E pei ua toe vaaia le pisi o tagata faatau meamata ile maketi fou i Savalalo ma Fugalei i aso ia i Samoa ile tumutumu ole mamalu o Samoa i Sini auā le faatauina male tofoina ole talo faa‘aisa muamua(frozen) na taunuu mai le container muamua mai Samoa.
Ole nofoaga i Villawood ole Traditional Samoa Convenience na palasi ai lenei matai‘ai ale atunuu ile faaiuga ole vaiaso lea na tatala aloaia ai foi lana auaunaga ua leva na momoo iai le atunuu ma faamāmā avega ai foi ile taugata ua iai le talo mai Fiti ua ova male $10 Ausetalia ile kilo. Ole talo lenei a Samoa ua na ole $7 ile kilo.
E pei ua toe vaaia e nai tamā ma tina matutua le taunuu ane ole galuega mai le talaloa i Samoa le taunuu mai ale talo aemaise le gaseseina ele pulega male aufaigaluega o faausi male faalifu talo e tofo fua ma silafia ai ele aufaatau le mapo male manaia o fua ole faaeleeleaga mai
