Taunuu le malaga taamilo a le Kokonut Band i Ausetalia

E moni lava tala, e itiiti mea na faalogo i ai i le tulaga ua vaai i ai e pei ona molimauina e le toatele o ē na lolofi atu se‘i eva i le aave mai o tala o le faaili lauiloa mai Samoa ua igoa o le Kokonut Band.

O le po o le Aso Faraile sa faafiafia ai i le nofoaga masani o faafiafiaga i Logan, faatasi ai ma le po o le Aso Toonai o le latou tataaga mulimuli lea ae lei tuuvaa atu i Sini ma Melepone.

E fā vaiaso o le malaga taamilo e pei ona ta faalua ai i Brisbane, ma e uigaese foi le pa‘ō o nota a le vaega mai Samoa ua matuai mea fou ai lava i le eva a le au vaega foi lea e 1 i le 2 fagu ae atoa fuainumera, o inā loa ua aogā i ai le alu faasoloatoa leai se mālōlō, uma loa moe faasasa‘o e lē usu i le lotu i le taeao o le Aso Sa talu le faaaogāina o pese mālie a le Kokonut Band.

E foliga mai o nisi o lea aufaaili sa tautua i le Evaeva Band ma nisi o faaili lauiloa o loo i Samoa. Ua iai le faamoemoe o le isi tataaga o le Aso Toonai aso 6 o Aukuso i le Bankstown Hall i Sini Niu Sa Uelese, ma faaiu ane ai i Melepone i le Aso Toonai 13 ma le Aso Toonai 20 o Aukuso.

O le susuga ia Bishop Taulagi Seumanutafa ma le faletua ma le aiga sa feagai ma le tausiga o le faigamalaga a o iai i Brisbane.

Le aufaaili na malaga mai:
Kiteri Taulagi – Sound engineer (Apia/Papauta); Vaauli Christopher Pomare – Lead male vocalist (Apia/Laulii); Silivaai Luamanu – Sales rep (Salelologa); Hemati Fiu – Male vocalist (Salelologa); Kavau Filiese – Bass Player (Iva); Eme Eteru – Female vocalist (Faga/Asau); Vae‘ai Tone – Keyboard player (Asaga); Amani Faleatua – Drum Machine (Salelologa); Junior Salima – Lead keyboard player/Band leader (Vaiola/Tapueleele); Seumanu Taffy Mariner Salima – Band Manager, ma Thomizli Salima.