Le tulaga louloua o le tau sa iai i le faaiuga o le vaiaso na se‘i mavae atu nei, faatasi ai ma lapataiga o matagi malolosi sa lapataia ai Samoa i le faaiuga o le vaiaso, ae faafetai ma sii le viiga i le Atua ina ua taunuu manuia mai le faigamalaga a le Alii Pule o le Kolisi ia Fr Mikaele Tuimavave, ma Fr Brian Sigere, Faiaogaulu ia Faatuffy Tuigamala, Faiaoga Lagolago ia Fr Isaia Wairoga, Lafu‘a Vaana, Physio Tiresa Lapalapa.
O le vaveao o le taeao ananafi na toai taunuu ai le faigamala a le Kolisi Maualuga lenei a le Ekalesia Katoliko mai Moamoa i Samoa, mo ni taaloga ma nisi o kalapu lakapi i Aukilani a o asiasi malaga mai ai i Niu Sila nei, tusa ai ma le polokalame i se feiloaiga i le taeao ananafi ma le pulega o le malaga mamalu faapea le lagolagosua Fr Michael Alepia Endermann, na ta‘ua ai e faapea e le taitai malaga o se faigamala sa fuafua mamao mai.
O se luitau foi i le fanau aoga a manuia ma lelei le faagasologa o le lakapi mai lava i le Grade 5 oo mai i luga ona taunuu lea o le moemitiga, ma o lea la ua faaoo ona malaga mai le fanau aoga ina ua ausia ia tulaga tau taaloga i lenei vaitau, faatasi ai ma nisi o fuafuaga mamao mo le lelei lava o le aoga agai atu i luma.
E to‘a 30 le aofai o alii taaalo lena na malaga mai faatasi ai ma le pulega e toalima, i le taimi nei o loo ua faamautu nei le malaga i le Nofoaga autu Otahuhu Rugby Football Club lea o loo pulea e Aiolupotea John Roache le Peresitene.
O se tala fiafia o le aso e faataunuuina ai le uluai taaloga o lenei faigamala e taaalo ai ma U-18 Cook Islands, a o le Aso Toonai o le vaiaso nei e taaalo ai ma le Aufili Aukilani Samoa i Otahuhu College Field i le 3pm i le afiafi, ona sosoo ai loa lea ma le after match Function i le Kalapu lava ORFC ma le mafutaga Chanel Family Club faatasi ai ma aiga o le malaga.
O le taaloga mulimuli e taaalo ai ma Mt Roskill Grammar i le malae Kalapu lakapi Suburbs i Titirangi i le aoauli o le Aso Tofi i le vaiaso fou. E tusa ai ma le polokalame e pau ia o taaloga i Niu Sila nei, ae o le isi vaega o le malaga mai e mo le tau sailia lea o nai seleni e faatotoga ai se Gym a le Kolisi o Sanele poo Chanel College i Samoa, e moomia ai le lagolago mai i lenei faigamalaga.
I nai seleni poo ni masini faamalositino mo le Kolisi i Samoa, e faaaogā e le fanau aoga faapea le faatotogaina o le aoga i Piano, Keyboard, mo le mataupu tau Musika i le tausaga fou ae o le lisi atoa lenei o le Aumalaga mai Samoa.
1 Faasao Fuimaono
2 John Paul Tagaloa
3 Vaisaulu Ioane Pinati
4 Ioane Ioane
5 Taualai Tofilau
6 Savelio Brown
7 Elifasa Ioka
8 Junior Lauvao
9 Usugafono Logomapu
10 Monty Sione
11 Iulio Tialeaiga
12 Senetenari Tialeaiga
13 Enele Sapolu
14 Atonio Matini
15 James Paulo
16 Suiselani Posini
17 Atinae Leia
18 Alipa Mason
19 Renee Esera
20 Lino Williams
21 Petelo Sanele
22 Darrel Ponifasio
23 Dominic Iosefo
24 Gregory Roache
25 Jason Etuale
26 Toa Faatui
27 Toa Tevaga
28 Steve Ponifasio
29 Henry Smith
30 Saini Iese
Head Coach – Tuaffy Faatafe Tuigamala
Assistant Coach – Fr Isaia Wairoga/Lafua Vaava
Physio- Tiresa Lapalapa
Managers- Fr Mikaele Tuimavave/ Fr Brian Wairoga
