Tauave tu ma aganuu faa-Polenisia e le Heilani Production & School of Arts

Aufaafiafia lauiloa ma le talenia a Heilani Production & School of Arts - Photo: Heilani
Aufaafiafia lauiloa ma le talenia a Heilani Production & School of Arts – Photo: Heilani

O se vaiaso sili atu foi lenei ona pisi ai mfaufau o le aufaafiafia poo le ausiva lauiloa a HEILANI e ala i ana valaaulia faapitoa. E le gata sa faisao ile fonotaga tele ale South Pacific Tourism Exchange mai le aso 11 ile aso 13 o Aperila, e pei ona ta’ua ele Faatonusili ia Heimana Tahiata, ae na faapea foi ona auai ile Commonwealth Games sa faia i Gold Coast.  E mata’ina tele lenei aufaafiafia i le talenia aemaise o le faaaogaina o la’ei moni a atumotu e faatino ai soo se faafiafiaga. Na matuai sioa foi le aumaimoa mai vasa e fia ao faatino faiva o manaia ma tausala e ala i a latou faafiafiaga masani.

O a’a ma tupu’aga o le  Heilani na amata mai ile tausaga e 1970, peitai na tatalaina aloaina i Ausetalia ile tausaga e 2004.

 E pei ona silafia, ole suafa HEILANI, o le tuufaatasiga lea o igoa ole alii pule ia Heimana ma si ana manamea ia Leilani Tahiata. O le”Hei” ile gagana Tahiti o lona uiga ole tuufaatasia, o le agaga atoa ina ia faamalosia ma faatupulaia ai le fia auai o tupulaga i faafiafiaga faa Polenisia.

O le suafa “Lani” e mai le upu lani poo le lagi, e mai le alalafaga  o Tafua i Samoa,  faapea Hawaii. O le tua’a o Heimana Tahiata,  o Teraimana Tahiata, o ia ose tagata talenia tele ma  ta’uta’ua i na taimi ile atumotu o Tahiti  (French Polynesia) ma lona tina  o  Marama Mete-Smith mai Aotearoa i Niu Sila o ni tagata polofesa i mea tau faafiafia ile atu Polenisia. Na malaga solo ile lalolagi ma faasoa atu tu ma aganuu Polenisia, ose fiafiaga telemo i la’ua.  Na taunuu le miti ale susuga ia Heimana e ala ile faaiuina o ana a’oa’oga i tulaga tau faatufugaga poo le Arts ma agavaa ai e faasoa au tu ma aga masani faa Polenisia.

Nisi o aufaafiafia iloga ale  Heilani Polynesian School of Arts, Brisbane Ausetalia ma le Miss Pacific Islands 2018 from American Samoa the beautiful Afioga ia Matauaina Toomalatai @ South Pacific tourism exchange conference 2018 in Adelaide. L to R - Ariana,Valasi,JLo, Miss PI 2018, Lance, Fati, Tamatoa: Photo - Toleafoa Ian Asiata
Nisi o aufaafiafia iloga ale  Heilani Polynesian School of Arts, Brisbane Ausetalia ma le Miss Pacific Islands 2018 from American Samoa the beautiful Afioga ia Matauaina Toomalatai @ South Pacific tourism exchange conference 2018 in Adelaide. L to R – Ariana,Valasi,JLo, Miss PI 2018, Lance, Fati, Tamatoa: Photo – Toleafoa Ian Asiata

Ua oo atu le aofia o tupulaga o loo aoaoina e le Heilani Productions & The School of Arts ile 150 tamaiti.

O latou foi nei o loo fili mai ai le ausiva ua lauiloa nei i faafiafiaga faa Polenisia.

Na saunoa manino Heimana e malosi tele ma latalata le latou fesootaiga ma i ma nisi o tamaiti talenia o loo latou galulue faatasi mai  Fiti, Samoa, Tonga ma Niu Sila.   Na faafetaia ele alii pule le teama atoa ona ole naunautaiga ua tini ai lau ole faamoemoe o lenei vaiaso e pei ona pisi ai i taaloga ale Commonwealth e aofia ai le  Event 1 – Interwoven: Marks on the Land, sosoo ai le Marks on the Body ile Aso Sa, lea sa faia ile  Main Stage,

Event 2 – Pasifika Party – The Star Gold Coast, ole  Aso Tofi 12 o Aperila i Gol d Coast ma le Event 3 – The Big Party – Main Stage, Gold Coast  lea na maimoa iai ile aso Toonai aso 15 April 2018. O le pulega ale HEILANI e aofia ai :

Heimana Tahiata – Artistic Director  (Tahitian / Maori)

Lelani Tahiata (Tafua Samoa / USA / Hawaii)

Fati Tagata (Samoa)

Waiana Tagata (Maori / Cook Island / Samoa)