Tauaao le faaailoga Bachelor of Commerce o Emi Anderson

Na mataina le tumutumu o le Brisbane Convention Centre i le Aso Lulu, aso 7 o Aukuso, lea na faia ai se faauuga tele a le Griffith University i ona lala eseese.
O lea faauuga sa faia e faapitoa mo i latou ua maua faailoga Aoaoga Tau faapisinisi, Hotel, Tourism, Marketing, Event, Real Estate/Property ma le Sport.
Sa toatele le aufaauu mai atunuu eseese faapea nisi tamaiti Pasefika. O se tasi o alo Samoa na maua lona faailoga o le Bachelor of Commerce i lea po, o le tamaitai lea o Emiliana Christina Andersen o le alo a Baker ma Imeleta Andersen o Darra.
Sa malaga mai ona aiga mai NZ i ona aunties ma uncles faatasi mai ma molimauina  le faauuga o le tamaitai  Emi Andersen.
O le Aso Sa, aso 11 o Aukuso na faatumulia ai le Richlands Tavern i Richlands i se ‘aiga tele mo aiga, uo ma ē masani. Sa faapea ona faamanuiaina i se sauniga pu’upu’u sa taitaiina e le Susuga Epikopo Mamona Taulagi Seumanutafa mai Goodna.
Na sosoo ma le  faamanuiaina o le keke ona alo atu ai lea i faafiafiaga ma faamanuiaga taitasi mai le auvalaaulia.
Sa saunoa Emi, “E muamua ona sii le viiga ma le faafetai i le Alii ina ua taunuu ma le manuia laasaga o a‘u aoaoga.”
O alofaaga ma faamanuiaga mo oe mai ou mātua pele ia Baker ma Imeleta Andersen, Grandmother Luise Seumanutafa, Nive Curry, Vena Laititi, Lawrence, Sita ma Neo Timoteo, Emi Tuilaepa, Ana McFall, Kilisi Laititi, Aliitasi Tapumanaia Hegarty, faapea le Brown Family.
Faasilisili lava mai ou uso ia Paese, Leativa, Kilisi ma ou tuagane ia Herman ma Kilisi faapea au uo mafana na faatasi atu i lou faauuga.