Fanau ua maua faailoga i le laugatogi a le Sinoti ma le ekalesia

Fanau ua maua faailoga i le laugatogi a le Sinoti ma le ekalesia

E 16 tina matutua i totonu o le Sinoti a Aukilani i Matu ua atoa le ta’i 70 tausaga o lo latou soifua, sa tauaaoina atu iai ni teu fugalaau ma faailoga tupe faatasi ai ma le faaulaina o latou pine mai le ekalesia aoao i Samoa, e tali masineia ai lo latou tautua i totonu o le ekalesia i nei tausaga e tele.

O tina mai le ekalesia Metotisi i Grey Lynn ia Mere Tuaialii, Fou Gaina, Fale Faamatuainu, ma Usuese Levao. Ekalesia i Te Ata Tu, o le tina ia Lelava Mase, Elisapeta Foloi, Ane Tuua, Amio Matue, ma le tina ia Salome Malu. Metoisi i Henesone o tina ia Falepunaoa Fepuleai ma Tuimauga Leanava.  O Otahuhu o tina ia Filoi Tautua, Anetema Aiolupo ma Fiatupu Lafoga, ma le ekalesia i Mesiana o loo iai tina ia Kalita Vaisagote ma Vaiui Tupu Folasa.

O le agaga fiafia ma le loto faafetai o nei tina i le Atua ona o nei faailoga ua tauaaoina mai e le ekalesia mo i latou ma ua faagaeetia ai lava o latou lagona i le fia tautua pea i totonu o le ekalesia.

O le Aso Sa ua mavae 29 o Iulai na faia ai le sauniga tele a le Sinoti i Matu i le malumalu o le ekalesia Metotisi i Grey Lynn e patipatia ai le soifua galulue o nei tina i totonu o le ekalesia, faatasi ai ma le lauina o togi a le fanau ua mau faailogaina i vasega o le Aoga Aso Sa i totonu o le Sinoti ma le ekalesia.

Na faatumulia mātua ma aiga faapea susuga i faafeagaiga uma ma o latou faletua i lenei sauniga auā ua le gata i le tauaaoina o teu fugalaau mo tina ae se’i molimauina foi le taumafai o fanau e ala i le latou ola sailiilli i le afioga a le Atua. O le vasega sefulu o le ‘auga lea o aute i suega a le ekalesia i tausaga taitasi auā o loo sailia ai le tamaitiiti sogasoga ma le ola sailiili i le afioga a le Atua, ona iloa ai lea o le tamaititi e sili aoao i le ekalesia i le lalolagi.

O le tulai mai o le iuga o suega a le vasega sefulu i lenei tausaga i totonu o le ekalesia Metotisi aoao i le lalolagi, ua sili aoao ai le tamaitiiti Aoga Aso Sa mai le ekalesia Metotisi i Onehunga ae o le Sinoti foi lea i Matu i Aukilani. O le laau na totō ma teuteu nei e fai ma laau e te faamalumalu ai taeao.

Tina ua atoa le tai 70 tausaga o latou soifua ua tauaaoina atu ai teu fugalaau ma pine mai le ekalesia Metotisi aoao

Tina ua atoa le tai 70 tausaga o latou soifua ua tauaaoina atu ai teu fugalaau ma pine mai le ekalesia Metotisi aoao

IUGA SUEGA 2018

VASEGA 1A

1st – Tulele Joshua Tulima (Henesone)

2nd – Folotoo Eteuati (Maugalaki)

3rd – Erolina Eteuati (Henesone)

VASEGA 2

1st – Senerita Utumapu (Aukilani)

1st – Michael Eteuati (Maugalaki)

2nd – Paepae O Manu (Henesone)

2nd – Tilomai Kosi (Maugalaki)

3rd – Uesiliana Pasetto (Maugalaki)

3rd – Kahlee Teofilo (Aukilani)

VASEGA 3

1st – Berakah Vaituutuu (Onehunga)

2nd – Honor Sanelivi (Henesone)

3rd – Laki Utumapu (Te Ata Tu)

VASEGA 4

1st – Analena Asiata (Aukilani)

2nd – Faanunu Amitia (Henesone)

2nd – Ranee Tapu (Henesone)

3rd – Tasi Vaeono (Te Ata Tu)

3rd – Maria Siologa (Aukilani)

VASEGA 5

1st – Minako Taala (Henesone)

2nd – Afiomalu Evile Loli (Otahuhu)

3rd – Ieremia Seuoti (Otahuhu)

3rd – Selafina Amosa – (Mesiana)

VASEGA 6

1st – Henretta Seilala (Henesone)

2nd – Mika Sefo (Panmure)

3rd – Atalana Leaupepe (Onehunga)

3rd – Fitilagi Vaisagote ( Mesiana)

VASEGA 7

1st – Ramsi Talavou (Henesone)

1st – Cynthia Vaisagote (Mesiana)

2nd – Logotaeao Talalelei Amani (Otahuhu)

3rd – Ronese Crounch (Otahuhu)

3rd – Silipa Utumapu (Te Ata Tu)

VASEGA 8

1st Lagi Utumapu (Aukilani)

2nd – Sosene Toelau (Te Ata Tu)

2nd – Tausaga Talavou (Mesiana)

2nd – Agiasalevalasi Taala (Henesone)

3rd – Tirese Kilifi (Mesiana)

VASEGA 9

1st – Aina Talavou – (Mesiana)

1st – Tavesi Malo Taito (Kelesetone)

1st – Suivaaia Taape (Te Ata Tu)

2nd – Suitana Masoe (Henesone)

2nd – Victoria Talalelei Latu Amani (Otahuhu)

3rd – Zhantel Lilomaiava (Otahuhu)