Tāua tele le ola aoaoina lelei…Glenala State High School

E tāua tele le ola aoaoina lelei, o le saunoaga faalaeiau lea a Honourble Justice Margaret Anne McMurdo sa avea ma fofoga autu o le aso faapitoa o le aoga a Glenala State High School, lea na faataunuuina le latou academic assemblies i le pitonuu o Durack i le Aso Tofi ua tunanai.Alo ma fanau Samoa ma matuā sa faafiafiaina i taumafaiga a le fanau i le Glenala State High School Brisbane Sui o le Palemene ma pule aoga o isi aoga sa auai i le faamoemoe o Glena State High School E tailua i le tausaga ma faia lea fuafuaga lea na vaevaeina i categories e tolu. O le Gold: o le A i le 6 mataupu, na o le toatolu tamaiti na ausia e toatasi le tamaitiiti Pasefika. O le Silva e 4 A’s ma B’s e 2, ma le Bronze o le B agai i lalo.

 
E tusa ma le 20 tamaiti Pasefika na faamanuiaina i le Siliva ma le Bronze. O le auga autu o lenei faamoemoe o le faatāuaina lea o tomai ma agavaa mai o tamaiti ma sa amata mai i le semester 2 o le tausaga e 2013. E faatasi foi i le tausaga ona tauaao se faailoga tāua mo se tamaitiiti e mautinoa le alu alu i luma o le taumafai.

 
O se tasi lenei o aoga e tele tamaiti Samoa o aoaoina ai e mautinoa lava le toatele o sui e ulufale atu i Iunivesete ma e faafetaia ai le tamaitai pule aoga ia Ms Corrine McMillan i lona faatāuaina o tamaiti Pasefika aemaise le lelei o lana taitaiga. O le alii Samoa, tofā ia Tagoia‘ega Bruce Manū Sione o loo avea ma liaison officer a Glenala State High School ma e fai si latalata o le latou fesootaiga ma le tele o mātua Samoa.