Tatalaina le Album Nu 2 a Annie Grace Puletiuatoa

E fiafia lava e faailoa le agalelei ma le faamaoni o le Atua ona o lona mamalu ma lona matagofie sa faaalia i lea po o le Aso Gafua, aso 12 o Oketopa 2015. E lagona ai le faafetai i le alofa o le Atua ona o lona manatu mai ia Annie.

O le autu o pesega i lenei CD, O puapuaga o le olaga e faailoa ai le matautia o le Atua ma lona mana e toe maua ai le faamoemoe fou. E pei o upu na fatuina ai pese o le Album, “I choose you” ma le “Fale na i Amoa”.

Sa faaaogāina i lea faamoemoe, o laei poo measina a Samoa i teuga o saasaaga o taulaga viiga o lea po. Tau ina ia faamalosia, fautuaina, faamafanafana ma faafiafiaina se finagalo e le mana o le Agaga Paia e ala i nei fatuga. Ole susuga i le Faafeagaiga ia Luka Robertson sa tatalaina ma faaiuina lenei sauniga. Ae o le tofa Saimasi Tuilima Niu Tuia Roberston, sa faafeiloaia le mamalu o le aofia sa auai atu ai mai i atunuu eseese faapea si o tatou atunuu pele o Samoa.

E momoli ai le faafetai tele a le tamaitai pese ma ona tuaa, i le tapuaiga ma le lagolago mai i tatalo ma galuega sa faatino.

O loo mafai ona maua se copy o le CD a le tamaitai o Annie Grace e pei ona tatalaina, pe a faafesootai le tamaitai o Madelene Viliamu, i le telefoni 022 0253496. Ia faamanuia atu le Atua i le Kirisimasi ma le Tausaga Fou.

Faamatalaga na tuuina mai