Na faafiafia le faili malosi a le Nu Falava i le faamoemoe o le Tiatia Family i le Bankasia Garden Community Hall i le pitonuu o Broadmeadows i le Aso Toonai na mavae atu.
Na matagofie naua le po ona o le moemitiga a le susuga i le alii pule ia Eteuati Leota Tito mai afioaga o Avao ma Lelepa, o le avanoa lelei lea ma le tāua e faalauiloa ai la latou togiga fou sa tapenaina mo se taimi o lenei tausaga.
Na molimauina le faafiafiaina o le paia lasilasi o le atunuu na afifio atu i le lalelei o le faili i la latou togiga fou. Sa faaalia foi nisi o finagalo, o tulaga vaaia ia e iloa ai le maopoopo ma le loto tasi o soo se faalapotopotoga ma la latou pulega. e le gata i lea, e silafia ai foi e le atunuu o loo silasila mamao le faili i le va tapuia ma le atunuu aemaise o le lelei alualu i luma i faamoemoe fai o ekalesia ma faalapotopotoga i totonu o le aai o Melepone.
Na saunoa foi Eteuati ua faatupulaia ai le agaga fia tautua mo Samoa e ala i musika, ina ua maitauina le aulelei o lana faili, aemaise o finagalo faalaeiau na saunoa i ai tupu ma tamalii i le po o le Aso Toonai.
Tatalo ia faamalumalu aao alofa o Ieova i le faili ma faatumuina a latou taleni ma siufofoga i le lelei ma le matagofie aua fiafia faatino a le atunuu. O outou māmā na Nu Flava!
