Tatala e le alo Samoa le polokalame faaiu a le Meadow Height P.S. i Melepone

Ua tele ina faagasolo polokalame faaiu o le tausaga i soo se faalapotopotoga, galuega ma aoga mo aso malolo o le Kirisimasi ma le Tausaga Fou, e pei ona masani ai i tausaga taitasi. O le Aso Faraile na tuanai atu na faataunuu ai le Aso o Aganuu eseese a le aoga tulagalua a le pitonuu o Meadow Height lea o loo faiaoga ai se tasi o tina tautua o le atunuu, le tina ia Kopi Purcell.

 
E iai alo ma fanau a Samoa o aotauina i le aoga, lea na faamaopoopo e Kopi ma tuufaatasi ai faafiafiaga faa-Samoa mo lo latou aso faaiu o le tausaga. Na mataina faafiafiaga a tama o le Manu, aemaise o le Taupou e pei ona masani ai fiafia faapenei.

 
E momoli le faafetai i le tina faiaoga ia Kopi aemaise o mātua, ona o le lagalaga pea i avanoa e faamautu atili ai le aoaoina e alo ma fanau o tu ma agaifanua faa-Samoa e ala i siva ma faafiafiaga. Tau ina ia manuia le Kirisimasi ma le Tausaga Fou a nai tamaiti, aemaise o aso malolo o le a alo atu i ai.
Le tina faiaoga ia Kopi Purcell (itu taumatau) ma alo ma fanau na tauaveina le igoa o Samoa