A o agai atu i le lamalama faaiu ai o galuega i le tausaga talu ai 2014, a o le taimi foi lea na tatala ai avanoa e faalauiloa ai le taamilosaga lenei o loo pulea ma faagasoloina e le Sports Pasefika i le taitaiga a le afioga ia Satele Tupe Taisalika.
I se feiloaiga a le tusitala ma lea tamalii o le atunuu, na ia faasoa ai e faapea, “o le mafuaaga tonu lava na tulai mai ai lea faalapotopotoga, ina ua vaai i le gasolo o Ekalesia, faalapotopotoga, ma mafutaga o faalapotopotoga Pasefika e tauva i taamilosaga i Aukilani i Saute ona o le leai o ni taamilosaga e faia i Aukilanio i Sisifo”.
Ma o le tulaga tonu lea na afua ona amataina ai le Sports Pasefika, ma o le agaga moni o lea Faalapotopotoga ua ta‘ua o le Sports Pasefika ua lē na o taaloga Kirikiti ua aafia uma ai lava soo se taaloga e pei o le soka, lakapi, taufetuliga, volipolo, lakapi-pa‘i ma le anoano o isi taaloga, ma o loo vaaia pea le agaigai pea i luma lenei taumafaiga mo tatou Pasefika e aafia ai ma Samoa.
O se lagona faafiafia loto foi lea i lenei taumafaiga ia lē gata i taaloga ae faapea ai foi ona aogā auā le maua ai o se maopoopoga lelei, faapea foi le atoatoa lelei ai o le tino, loto ma le mafaufau.
O se tasi o tapenaga sa feagai ai ma le Sports Pasefika o le faafoeina lea o ni aoaoga e uiga i tulafono o le taaloga kirikiti, faapea foi ma avanoa e ono faaaogāina ai nisi latou te faafoeina ia taaloga i aiaiga ma tulafono o loo faafoeina ai.
I le amataga la o lenei tausaga 2015, na tatala aloaia ai ia taaloga i le Challengers Cup 2015. E tusa ma le valu ‘au sa faauluina mo lea taamilosaga: E iai le Povi Po‘a, Buss Gats, Ranui Razors, Dale State, Spartons, Tauafiafi, Kanana Fou Kobra, Nations.
Na vaeluaina loa i Pools e lua, ma o se vaaiga la lenei i Pools ma taaloga na faataunuuina ai.
Iuga mai Pulu taitasi:
Pool A
Buss Gats v Dale State (Dale State)
Povi Po‘a v Ranui Razors (Povi Po‘a)
Buss Gats v Ranui Razors (Ranui Razors)
Dale State v Povi Po‘a (Povi Po‘a)
Buss Gats v Povi Po‘a (Povi Po‘a)
Ranui Razors v Dale State (Dale State)
Pool B
Spartons v Nations (Spartons)
Tauafiafi v Kanana Fou Kobra (KFK)
Spartons v Tauafiafi (Spartons)
Nations v Kanana Fou Kobra (KFK)
Spartons v Kanana Fou Kobra (KFK)
Nations v Tauafiafi (Tauafiafi)
Top 4 Premiership
Semi-final 1 v Povi Po‘a (Spartons)
Semi-final 2 v Kanana Fou Kobra (KFK)
Final
Spartons v Kanana fou Kobra (KFK)
Bottom 4 Championship
Semi-final 1 v Buss Gats (Tauafiafi)
Semi-final 2 Nations v Ranui Razors (Ranui Razors)
Final
Tauafiafi v Ranui Razors (Tauafiafi)
O le vaega lua o fuafuaga o taamilosaga a le Sports Pasefika sa faatulaga e faia lea i le Riversdale Reserve i Avondale i le aso malolo o Aukilani, aso 26 Ianuari 2015.
