Tatala aloaia le taulaga fou o Samoa

Ole fuafuaga ole taulaga faafou, poo le poloketi ua faaigoa ole Waterfront Plan ale HRPP, lea na tatala aloaia ai ele alii Palemia, Tuilaepa Sailele Malielegaoi, ile taeao ole Aso Gafua, 5 o Tesema 2016. Ole sauniga na faia ile maota Samoa ole pulega o Turisi ile eleele fou.

Na ia saunoa, ole vaega muamua lava ole taulaga lena ua taatia ina ua uma ane tafega ole 2012, na vaaia ai le fausasaga mai ole oneone i luma fale o Aggie i Apia.

Alu alu faatutū ta‘upega ile eleele tanu i luma ane ole Tanoa, ua oo lava i ulugalii o taupe ai, pei ona ia molimauina ise tasi o aso.

Ole taulaga e fai auauai, ae ua fai lava ma omai Samalia e tauofo mai vaega e faatino e latou.

Ae ia fua lelei mai lava galuega e talafeagai ma Samoa, aua ne‘i omai aumai ni latou mea matatupa e matagā ai Samoa.

O ata e fai lava ma suisui, e atagia ai mea o iai manatu o tagata. Ole tele o tagata e lē tilotilo ae seiloga lava e tupu se mea faato‘ā tilotilo lelei iai.

Pei foi ona tupu ile tasi o tatou fale, ile manaia, ae iai lava mea faavalevalea oloo tutupu ai. E faasolosolo le fauina ole taulaga, e lē faapea e fai i tausaga taitasi, lē iloa pe sefulu tausaga pe sili atu foi, ae mea sili ua iai le ata e fai faatatau iai.

Ole komiti lea oute taitaifono ai, e faaautu ile MNRE, e tatau foi ona budget mai le tupe faasoasoa ale malo. Ua tatau foi ona iai se pulega faapitoa mo le faagaioina ole taulaga, ia aulelei ma atili fia tafafao mai tagata e faaalu ai latou tupe e atinae ai tatou iinei, ma maua ai galuega. Ole taunuuga ole manulauti ale malo, ia maua galuega mo le fanau.

O mea uma na e fai ele malo, e fuafua, a tupu mai se faaletonu i lea mea, ae tali mai le isi atinae ale malo. Ia tuueseese ato fuamoa, a ta‘e le isi ato, ae oloo iai le isi ato.

Ole ata e pei ona faaautu iai le saunoaga ale taitai ole malo, ole agaga foi lea ole alii tusiata lauiloa i Samoa ma le lalolagi i Europa ma Saina, Papalii Penehuro Papalii.

O Papalii lea sa fai lana aoga tusiata i Lelata, BEN, Beautiful Expressions of Nature. Ina ua afaina le aoga i tafega ole 2012, na siitia atu ai loa i Vaitele fou.

Lea ua amata ona ia vaneina ai ni maa tetele mo le saga faamatagofie o Samoa ae ole faalauiloaina o tatou taleni ma talafaasolopito e ala i ata.

Saunoa Papalii, o lana lagolago i foliga fou ole taulaga, ole tavane lea o maa tetele ole taligalu ma faatutu matilatila e latou te faamatalaina atu i Turisi ni tala faasamoa. Ole taulaga lenei, ua fuafua mo le 2017-2016.

E talitonu le taitai ole malo, ole a faatupulaia ai avanoa faigaluega ae ole a siitia ai foi le maketi mo le aufaipisinisi. O tagata e asia Samoa ma faaauala mai ai tupe maua e aofia ai turisi e malaga mai vaa ole sami, vaalele ma o tatou lava tagata e faaaogā vaa e feoai ai mai lea vaega ole taulaga i lea itu ma lea itu.

Ole a iai foi avanoa mo tagata savavali, ole au tietie uila vilivae, ma ta‘aga eseese ole talafatai o Apia. Ma e manaomia ai foi ni tautua latou te faatumauina le matagofie o Samoa. Ua tufatufa ai tusi ole fuafuaga alualu mamao ole taulaga o Apia mo tagata uma na auai ile sauniga, ae o nisi o kopi ole a faatau ise taimi mulimuli ane.