Tapena Mt Vaea Band mo le valaaulia mai Amerika

Susuga ia Brad ma Pepe Brown ma le aufaaili a le Mt Vaea i Kuiniselani
Susuga ia Brad ma Pepe Brown ma le aufaaili a le Mt Vaea i Kuiniselani

Soo se vaega lava e tapena ma fuafua mamao, e talitonu e lē faapopovaleina foi pe faapō‘ia tofaga e pei o ia upu.

O se avanoa faaauro ua maua nei e le faaili lauiloa a le Mt Vaea Band o loo i luga o faalagāmaea a faaili eseese i laufanua o Kuiniselani lea o le a sauni atu i le latou valaaulia i Amerika i le amataga o le 2016.

Ua alagatatau ona tapena mamao e faapupula ma ta‘u atu ia Amerika le pa‘ō ma le eseese o le tatagi a faaili a latou ma tama tuai o musika i faafiafiaga. O le po o le Aso Toonai aso 7 o Novema na faia ai se faafiafiaga a le faaili a le Mt Vaea Band ma maua ai se seleni e $6000.00. Lagona le agaga fiafia o le taitai faaili ma le faletua faapea le aufaaili ona o le lagolago ale atunuu.