Ua amata nei ona vevesi faiaoga ma fanau aoga o aoga maualuluga ma kolisi taitasi, i totonu o Aukilani ile aoaoina o polokalame a fanau aoga e faatāuaina ai tu ma le aganuu ale atunuu lava latou e pei ona masani ai polokalame ole Polyfest i tausaga taitasi.
Ua mae’a le tatala aloaiaina o lea faamoemoe e pei ona tumutumu ai le ASB ile city ile afiafi ole Aso Lua i fanau aoga mai aoga ma kolisi ua lautogia latou te ta’ita’iina kulupu taitasi. Sa faapea foi ona auai atu iai ma mātua ma faiaoga e faalogologo ma lagolago le tāua o lea polokalame oloo faaaogāina ai fanau.
Ole afioga ile tamaitai Minisita, Hon Carmel Sepuloni ole saunoaga autu lea ole afiafi lea na ia saunoa ai i puleaoga ma faiaoga o aoga taitasi ina ia faamalosia fanau aoga ia faatāua lo latou aganuu auā ole latou faasinomaga lea.
Ole ASB Polyfest ose polokalame tele lea mo tupulaga talavou ole Pasifika ile lalolagi e patipatia ai ma faailoa ai a latou aganuu ma le gagana. Ma ole a tulimatai le faamoemoe ole ASB Polyfest i lenei tausaga poo le ā se suiga fou ole a tulai mai i aoga ma fanau ile latou faatāuaina o lenei polokalame.
Ole afioga ia Seiuli Terri Leo Mauu, ole faatonu ole ASB Polyfest sa fai ma fofoga ole po, na ia saunoa foi ile tāua ole polokalame lenei mo fanau. Ole tausaga ua mavae e na’o le fā aso sa faatinoina ai polokalame uma, ae iai le faamoemoe i lenei tausaga e tatau ona sili atu ma le fā aso e fai ai le Polyfest.
Ma ole nofoaga e sili ona tāua lea mo fanau aoga e toe tepa ai i tua i mea sa faatinoina e o latou mātua matutua, ile faiga o togiga (lavalava), usuina o pese ma le faatinoina o siva faitaga, aemaise ai ole a’oa’oina ole amio ma le ola faaaloalo, ina ia mafai ai ona avea ma taitai.
Ole tausaga nei oloo taulai le silasila ale ASB Polyfest ile 10,000 o fanau aoga mai aoga taitasi i totonu o Aukilani ole ā faafiafia i siva ma tautalaga mai kulupu e ono e aofia ai Cook Island, Maori, Niue, Samoa, Tonga faapea nisi o atunuu ua felanulanuai ai lenei polokalame e aofia ai Saina, Fiti, Tokelau, Initia, Korea ma Sri Lanka.
Ole aso 14 o Mati lea ua atofaina e amata faagasolo ai polokalame ale Polyfest ile nofoaga masani i Manukau, ma e amata i tauvaga tautalaga a aoga ona faaiu ai lea i faafiafiaga.
O nisi nei o aoga oloo auai i tapenaga ole Polyfest faatasi ai ma kamupani oloo latou lagolagoina:
Firstly Matua Kura Schools (Main Host School of Maori stage and Polyfest):
Kia Aroha College & James Cook High School
(Mana Kura Host Schools): Kelston Girls’ College (Samoa), Wesley College (Niue), Sir Edmund Hillary Collegiate (Cook Island), James Cook High School (Tonga) ma Aorere College (Diversity)
Sponsors:
Naming Rights: ASB
Major Sponsors: Auckland Council ma Te Wananga o Aotearoa
Strategic Partners: Foundation North; Ministry Pacific Peoples; Ministry Youth Development; The Lion Foundation; Trillian Trust
Platinum Sponsors: University of Auckland; Massey University; MIT; Te Wananga o Awanuiarangi; AUT University; Victoria University of Wellington
Gold Sponsors: G-Mana Wholesale Autos Ltd; Letasi Ltd; Streets Icecream; StatsNZ
Media Partners: Radio Samoa; Mai FM; Niu FM; 531 PI; Flava; Radio Tarana
