Na lē iloa se vaipanoa e tu ai vae ma alamu solo iai tamaitai ole au netipolo a Kuiniselani le (QLD Samoa Netball), ile faatinoina ole latou tausala ile Aso Toonai ua tuanai, lea na faia ile Meakin Sports Club i Slacks Creek.
Ole igoa lea ua igoa ai le ‘au a Samoa oloo i totonu ole taamilosaga netipolo ua igoa ole “Challenge of the Nations”. Ua tolu tausaga talu na amata ma faavae mai a latou taumafaiga, oloo iai ma aumai nisi atumotu ale Pasefika. E 10 ‘au a Samoa faatasi ai ma tamaitai pe tusa male selau sefulu (110) oloo auai ile taamilosaga.
Na ta‘ua ele peresetene lona agaga faagaeetia male fiafia ona ole lagolago a mātua ma aiga. Ole faatamoega male faagaioiga o a latou tapenaga ma sailiga seleni, e faasauni atu ai mole latou taamilosaga tele lea ole a faia ile aso 5 male aso 12 o Novema ole tausaga nei.
Ole atumotu o Rarotonga ole a talimalo ile taamilosaga o lenei tausaga ma o nisi o atumotu oloo aofia ai, o Samoa, Tonga, Fiti, Maori, Niue, Apoloki Ausetalia ma PNG.
Ole Komiti – Ranandy Stanley – Coordinator/Taitai; Vania Gentles – Failautusi; Falelua Niumata – Sui Failautusi; Mera Letalu – Teutupe; Faasuamaleaui George Tupuola – Management; Ken Salanoa – Management; Faalele Reekers – Management; Maleta Lemana – Coach Convenor.
Na faafetaia ele komiti kamupani lagolago e pei ole – Ugo Money & Enchiro Screen Printing. Ole tausaga faatulagaina e amata ai le talia o tamaitai ile taamilosaga, ole 11 tausaga e oo atu ile Masters ma le 35 agai i luga. Afai e lē atoa se ‘au netipolo, na ole toalua ni tamaitai e lē oni Samoa e faataga ile ‘au.
Mo ‘au uma e fia auai ile taamilosaga ile masina fou, oloo avanoa le facebook ale Challenge of the Nations mo fesootaiga poo le tamaitai o Ranandy.
