Taofi fono masani a tusitala ma le sooupu o leoleo

Faaalia ele sooupu le susuga Salaa Maonanu Sale Salaa, e le o tapunia ai le faitotoa o tusitala e fesili atu ini mataupu e manaomia ai se faamatalaga mai leoleo
Faaalia ele sooupu le susuga Salaa Maonanu Sale Salaa, e le o tapunia ai le faitotoa o tusitala e fesili atu ini mataupu e manaomia ai se faamatalaga mai leoleo

Fai mai o lipoti a leoleo i feiloaiga ma tusitala ini vaiaso e lei mamao atu na mafua ai ona taofia le toe faia o ia feiloaiga masani.

Ole faamatalaga e faapea o solitulafono sa lipotia ai le mataifale ise alii ma sona tuafafine, ma se tina ma le atalii ose tamaloa oloo nonofo ma le tina ole mafuaaga lea ose finagalo ilitata ole Palemia ole Minisita ole Matagaluega o Leoleo ma ia amia ai le pulega ole matagaluega mo se feiloaiga.

Na faamatala se molimau ua musu e faailoa lona suafa, ole maea ole feiloaiga lea ae taofi ai loa ma fono masani a le sooupu ole Matagaluega o Leoleo le susuga Salaa Moananu Sale Salaa ma tusitala.

Ole isi mataupu oloo iai le talitonuga ua mafua ai ona taofia fono nei i vaiaso taitasi ona ole selau afe tala ole a totogi ele matagaluega o leoleo ile tamaititi na loka faatasi ma lona tamā ile sela. Ole feiloaiga masani a tusitala ma le sooupu na faailoa ai se finagalo o Salaa ile tulaga ua oo iai lea mataupu ma faapea ai ona faailoa lautele ile atunuu ile feiloaiga lea ma tusitala. Na masaa i fafo se finagalo ole Palemia ile taofia o fono masani a le sooupu o leoleo ma tusitala i lana faatalanoaga ile Aso Lulu ua mavae ma le vaega faasalalau tala ole Talamua. Na lipotia e se nusipepa le finagalo ole Palemia ae peitai na aumai se pepa o faamatalaga faalauaitele mai le ofisa o faamatalaga a le Malo le Press Secretariat ma teena ai e Tuilaepa le lipoti a le nusipepa. Ole pepa lenei o faamatalaga na aumai :

Ole tali lea ale Palemia, Tuilaepa Lupesoliai Sailele Malielegaoi ile tala sa lomia ile itulau muamua ale Samoa Observer, Aso Faraile 18 o Aokuso, 2017 ua faaulutalaina, ‘P.M. attacks media for reporting on rape, incest.’

Rapist News from the Court

Ole faasa’oga o lo’u taofi, lea oloo lipoti sese ele Observer, e faaaogā tatau le taimi o leoleo oloo pito moomia ai leoleo ae tuu le tapena o news faapitoa mo le media.

O pea le autusitala ile Court e maua mai ai a latou tala sa’o i iuga ale faamasinoga.

Ae ole faiga o fai nei, ua atili ai le paiē ma le aiafu ole aufainusipepa.

O a’u talanoaga foi oloo faafoe ile gagana Samoa ua atagia mai ai e le malamalama tusitala ile uiga o a’u upu.  A faasamoa e le malamalama, a faapalagi ua atili ai ona atagia le vaivai tele.  Na’o le spoon fed, spoon fed le mea oloo fai nei.

Faataitai loa ona o ile Court e maua mai ai tala o faaiuga o faamasinoga e lelei e sa’o atoatoa nai lo le tusi o tala e avatu ele leoleo. E o’o foi ile leoleo ia e le sa’o i taimi uma.