O le tasi lea polokalame o loo faaauau pea i tausaga taitasi i totonu o aoga e tatala mai ai le iloa ma le malamalama o fanau e ala i le faaaogāina o le gagana Samoa faapea le aoaoina o siva ma pese Samoa. O le anavatau foi lea o loo taumafai ai le komiti o le Polyfestival ina ia aua ne‘i momotuina le Gagana Samoa i totonu o fanau aoga.
O le tele o tausaga e silasila ai le komiti i vaega eseese e tatau ona agai i ai le faatāuaina o le Gagana Samoa i totonu o lenei polokalame, e pei o le tauvaga lauga poo le tautalaga i vasega taitasi faapea mauluulu, pese Samoa, sāsā, faataupati, taualuga poo le manaia.
O le tausaga ua mavae na maualuga ai le tulaga o fanau sa auai i le tauvaga o tautalaga, a o lenei tausaga ua pa‘ū maualalo ai le fuainumera o fanau sa tauva, ma o le faapogai lea o le tu‘itu‘i o le komiti i mātua e manaomia le fesoasoani ina ia galulue faatasi ma fanau ma faiaoga ina ia tulei malosi pea le faatāuaina o le Gagana Samoa.
O lenei tausaga e lua aso sa faatautaia ai le tauvaga tautalaga mo fanau aoga lea sa faataunuuina i le Aso Lulu le tauvaga lauga mo Vasega 9, 10 ma le 11, ae o le Aso Tofi sa faapitoa mo le Vasega 12 ma le 13 i tautalaga le saunia, Aso Faraile na faapitoa mo faafiafiaga a aoga e tuufaatasi ai tama ma teine lea e 18 kolisi ma aoga maualuluga sa tauva ai, ae o le Aso Toonai o aoga ua na o tama faapea foi ma aoga a tamaitai lea e 14 kolisi ma aoga sa auai.
O nisi o vaega sa faamamafaina i lenei tauvaga, o le ulufale, Pese o le aso, fuataimi, sāsā/faaluma, taualuga/taupou, ulufafo, togiga, faataupati ma le mauluulu. O nei vaega uma na maitauina ai le lava tapena o aoga ma kolisi eseese sa auai, aemaise ai o le galuega fita a susuga i faamasino sa nafa ma le faamasinoina o le tauvaga. O le susuga i le faafeagaiga ia Rev Iosefa Lale Peteru sa tatalaina nei polokalame i aso taitasi i le sauniga lotu ae o le tofa ia Lemoa Sevesi Henry Fesuluai sa fai ma fofoga o le aso. O le tulaga maualuga o lenei faamoemoe o le siitia lea o le fuainumera o mātua ma aiga na maimoaina vaaiga eseese sa taumafai i ai faiaoga ma fanau lea e latalata i le 600 tagata sa auai ma o le stage pito sili foi lea ona faatumulia i tausaga taitasi.
O le Aso Toonai na iloga ai le feomai o tagata e talitali le iuga a faamasino poo ai aoga o le a suipi i lenei tausaga. O le faailoga faapitoa o le amio pulea na maua e le kolisi o Wesley College.
Tulaga o Faafiafiaga
Ulufale – Aoga Teine
1 Auckland Girls Grammar School
2 McAuley High School
3 Kelston Girls College
Ulufale – Aoga Tama
1 Kelston Boys College
2 Sacred Heart College
3 De La Salle College
Ulufale – Aoga Tuufaatasi
1 Manurewa High School & Mangere College
2 Avondale College
3 James Cook High School
Ulufafo – Aoga Teine
1 Auckland Girls Grammar School
2 McAuley High School
3 Kelston Girls College
Ulufafo – Aoga Tama
1 Kelston Boys High School
2 De La Salle College
3 Saint Peters College
Ulufafo – Aoga Tuufaatasi
1 Manurewa High School
2 Avondale College
3 Waitekere College
Togiga – Aoga Teine
1 Auckland Girls Grammar School
2 Epsom Girls Grammar School
3 Kelston Girls College & McAuley High School
Togiga – Aoga Tama
1 De La Salle College & Sacred Heart College
2 Wesley College & Kelston Boys High School
3 Auckland Boys Grammar School
Togiga – Aoga Tuufaatasi
1 Manurewa High School
2 Mangere College
3 Avondale College
Mauluulu – Aoga Teine
1 McAuley High School
2 Auckland Girls Grammar School
3 Kelston Girls College
Mauluulu – Aoga Tuufaatasi
1 Mangere College
2 Avondale College
3 Aorere College & Manurewa High School
Faataupati – Aoga Tama
1 Kelston Boys High School
2 De La Salle College
3 Sacred Heart College
Sāsā – Aoga Teine
1 Auckland Girls Grammar School
2 McAuley High School
3 Kelston Girls College
Sāsā – Aoga Tama
1 De La Salle College
2 Kelston Boys High School
3 St Peters College
Sāsā – Aoga Tuufaatasi
1 Manurewa High School
2 Mangere College
3 Avondale College
Pese o le Aso – Aoga Teine
1 McAuley High School
2 Aucklands Girls Grammar School
3 Kelston Girls College
Pese o le Aso – Aoga Tama
1 Kelston Boys High School
2 St Peters College
3 De La Salle College
Pese o le Aso – Aoga Tuufaatasi
1 Mangere College
2 Manurewa High School
3 Tamaki College
Fuataimi – Aoga Teine
1 McAuley High School
2 Auckland Girls Grammar School
3 Kelston Girls College
Fuataimi – Aoga Tama
1 Kelston Boys High School
2 De La Salle High School
3 St Peters College
Fuataimi – Aoga Tuufaatasi
1 Manurew High School
2 Waitakere College & Tamaki College
3 Mangere College
Taupou – Aoga Teine
1 St Cuthberts College
2 Auckland Girls Grammar School
3 McAulley High School
Manaia – Aoga Tama
1 Wesley College
2 De La Salle College
3 Kelston Boys High School
Taupou/Manaia – Aoga Tuufaatasi
1 Mangere College
2 Tamaki College
3 Manurewa High School & Avondale College
Taualuga – Aoga Teine
1 Aucklands Girls Grammar School
2 McAuley High School
3 Epsom Girls Grammar School
Taualuga – Aoga Tama
1 Kelston Boys High School
2 St Peters College
3 Wesley College
Taualuga – Aoga Tuufaatasi
1 Mangere College
2 Manurewa High School
3 Avondale College
Aotelega o le Tauvaga – Aoga Teine
1 Aucklands Girls Grammar School
2 McAuley High School
3 Kelston Girls College
Aotelega o le Tauvaga – Aoga Tama
1 Kelston Boys High School
2 De La Salle College
3 St Peters College
Aotelega o le Tauvaga – Aoga Tuufaatasi
1 Mangere College
2 Manurewa High School
3 Avondale College
