Toeaiina ma faifeau faapea Rev Aofaiga ma Rev Milo lona 3 ma le 4 LH laina i tua faapea o la faletua Sinei ma Lolou saofafai pito i luma RH EFKS QLD faauu Penisione manumalo malolo

Toeaiina ma faifeau faapea Rev Aofaiga ma Rev Milo lona 3 ma le 4 LH laina i tua faapea o la faletua Sinei ma Lolou saofafai pito i luma RH EFKS QLD faauu Penisione manumalo malolo

A tapuaia se faamoemoe pe toesea a nuu potopoto, e le taumate le toe taliu manuia i fanua. Sa nofo tatalo ma tui le mulipapaga e i latou sa tapuai ma faatali atu ao alofaiva le au usufono i Samoa.

Ole Aso Toonai ua tuanai na taunuu manuia mai ai le lato ile ea ma le faigamalaga mamalu a au usufono o matagaluega e lua a Kuiniselani ole EFKS sa autovaa atu ile fono tele i Malua, Susuga i mātua manumalo malolo Toeaina ia Rev Samuelu ma le faletua ia Tima Tu‘iai, toeaina faatonu ia Rev Elder Tauaaga ma le faletua ia Reeta Mataafa,  Toeaina ia Rev Lance ma le faletua ia Lite Tautiepa, toeaiina ia Rev Ionatana ma le faletua ia Alapeta

Faaiuaso, faafeagaiga ma faletua ma le au usufono faapea tiakono toeaiina ma o la faletua.

Ole Aso Gafua faatoa taunuu mai ai le toeaina faatonu ole Matagaluega a Kuiniselani, Susuga ia Rev Elder Lauie ma le faletua ia Autalaga Lupematasila.

E viia le Atua ua feiloai fiafia le au usufono ma aiga faapea ekalesia sa tapuai ma tu‘i atu le mulipapaga ma nofo tatalo. E lua iai matagaluega ale EFKS, o Kuiniselani ma Kuiniselani i Saute.

A‘o faimalaga atu ile fono tele masani o lenei tausaga ua faamauina ai foi i talafaasolopito le faauu aloaia ai i Samoa o tofi penisione o susuga i faafeagaiga taulagi le susuga ia Rev Aofaiga ma le faletua ia Lolo‘u Levi sa la tausia le ekalesia EFKS Ipswich Central faapea le susuga ile faafeagaiga taulagi ia Rev Milo ma le faletua ia Talamasinei Faaleava sa galulue ile ekalesia EFKS a Brisbane ole Pulega foi a Brisbane Saute i totonu ole Matagaluega a Kuiniselani i Saute.

Na tauaao aloaia foi tusipasi ma pine ile taimi ole faauuga ma e faafetaia le Atua ile soifua ofo ole aufaigaluega sa gapatia ma auauna ai ile galuega ale Atua mo tausaga e tele. Sa ui mai i tiga ma faafitauili ole olaga ae o lea ua ea ma tini lau auā ua laasia tausaga penisione ma ua alagatatau lea faauuga.

O la Paulo, ma e talitonu ole latou alaga faatasi lea, “Ua ou tau le taua lelei, ua iu ia te au le tausinioga, ua ou taofi i le upu ole faatuatua.

O lenei, ua teuina mo au le pale ole amiotonu, e foaiina mai ia te au i lea lava aso e le Alii le faamasino amio tonu, ele gata foi ia te au a o i latou uma lava o e fiafia i Lona faaali mai (2 Timoteo 4:7, 8).

Comments

comments