(Samoa International Cricket Association)
E ui ina malolo le ‘au a nai tama mai Samoa i le ‘au a Fiti ae o le agaga fiafia i le oo atu lava i le final lea sa molimauina e nisi o uo ma aiga le tausaafia ma le amio pulea o le taaalo faatamatane o le ‘au.
O le 2 vaiaso ua tuanai na faagasolo ai le taamilosaga kilikiti faapalagi lea sa aumai ai le ‘au mai Samoa. Na maua se avanoa e saunoa ai le taitai malaga ia Dean i le alualu i luma o le latou au.
E valu ‘au mai atunuu eseese ae momoli le agaga faaafetai tele i le ‘au a Samoa na oo atu lava i le final ae sa faia foi e nai tama le mea sili e gata mai ai lo latou taumafai.
Ua toe taliu atu nei le ‘au i Samoa ma le fiafia ona e lei iai se faamoemoe e oo i le final mai le 8 atunuu! Faafiafiaina le au managers mai Samoa, faapea le peresitene o le asosi kilikiti a Samoa sa auai mai o Geoffrey Clarke, faapea le media advisor Corey Keil na malaga mai ona e laiti lava tamaiti.
Na o le toalua lava tama mai Niu Sila, ma le toalua mai Brisbane Ausetalia o Shawn Cotter ma Daniel Enese Burgess, ae malaga uma mai lava i Samoa tama uma o le ‘au. E momoli le agaga faafetai i le afioga ia Pei Nikolao ma le faletua ia Ruth Burgess ma le aiga faapea le susuga ia Rev Matamua James ma le aiga ma nisi ua lē maua suafa, o i latou sa lagolago ma fesoasoani i le ‘au e ala i seleni ma taumafa a o iai iinei. O le lisi lenei o le ‘au o suafa ma numera sa auai mai i le taamilosaga sa faia mai Ausetalia:
Ben Numera (9) Faafetai Mailata (C ), (6) Sean Cotter (VC), (3)Uala Taitoe Kaisala, (4)Kuatemane Leiua, (5)Faasao Fredrick Mulivai, (2) Maletino Lane Maiava, (1) Pritchard Pritchard, (7) Faafetaiailealofa Vaaetasi, (8) Daniel Enese Burgess, (10) Aleki Tiatia, (11) Naamanu Vaasili, (12) Tiafala Alatasi, (13) Fred Sapatu, (14) Pasi Kalosi Kaisa.
O le Coach o Anthony Bowler, ma le Manager o Dean Seuoti.
