Ua laasia le tolu vaiaso o faatali pea suesuega a leoleo ile mafuaaga tonu o le maliu o se alii talavou na masalomia ua pule i lona soifua e pei ona salalau lona ata ise nusipepa ma tumu ai fesootaiga televavave le social media i faitioga ma lagona lē fiafia.
Ua faaalia e leoleo oloo taofia pea le tino maliu ile maota gasegase i Motootua e lei tuuina atu ile aiga mo sauniga mulimuli ona oloo faatali pea se fomai mai fafo e faia taotoga faapitoa e saili ai mafuaga o le maliu, seiloga e taunuu le fomai lea ona faia lea o le taotoga faapitoa.
O nisi o alii talavou ose ausiva hip hop sa fesiligia e leai nisi ua molia pe taofia e leoleo ona e lei maua le taunuuga o le taotoga faapitoa e iloa tonu ai le mafuaaga o le maliu.
