Tali faafetai le G-Mana i le lagolago a le atunuu

Na maualuga le faamoemoe o le G Mana i le agai atu o le atunuu e tali le valaau a le susuga i le alii pule ia Galumalemana Tai Galumalemana ma le aufaigaluega, i le Aso Toonai, 12 Aperila, e pei ona faasalalauina i luga o le Radio Samoa.

 

O lenei polokalame o le tali faafetai atu a le kamupani i le mamalu o le atunuu i le lagolagoina o lana tautua e ala i le faatauina o taavale.

 
Na amata i le viiga o le Atua e pei ona avea ai Father Michael Endemann e fai ma ositaulaga o lea aso. Na faatasi mai ai le afioga i le patele mai i Tonga, o sui o le leitio o le Niu FM, o le faili pu mai Tonga, o tamā ma tina ma fanau o le tatou atunuu i Samoa faapea ma le fetalaiga ia Seumanu ma lana DJ na solosolo lelei ai le maimoa a tagata i le vaaiga o latou sa.

 
E itiiti lava tagata Tonga na vaaia i totonu o le lotoā a o Samoa sa matuā faatumulia ai le kamupani. Sa lē tuua foi le lagolago malosi o aiga o le susuga i le alii pule i le faamoemoe e pei ona faatinoina i lea aso. Na salani mea uma i le vevela faasoloatoa o le BBQ lea na alu ai le ta‘i faalua a tagata i le laina ae lei taitai ila.    O se tasi vaaiga matagofie na faamalieina ai le maimoa a tagata o le faili pu mai Tonga lea sa vaavaalua ma le DJ a Seumanu. O le tofa ia Seumanu sa fai ma fofoga o le aso i le faagasoloina o le polokalame.

 
O le faagaeetia pea o le alii pule ma le aufaigaluega i lenei tautua, o le toatele o i latou sa tali mai a latou apalai e pei ona tuuina atu i le faletupe. Sa lē mafai ona ofi totonu o le ofisa o le G-Mana i lea aso i tagata na taumafai atu e faatau ni a latou taavale.

 
O le afioga ia Father Michael Endemann na muamua faatau lona sa ma ave i tua. Na tufa meaalofa mo tamaiti uma sa auai. Na momoli foi le faafetai a le susuga i le alii pule i le atunuu sa autovaa atu e tali le valaau ma molimau i le faamoemoe a le aufaigaluega.

 
O le tautua a le G-Mana ua 13 nei tausaga o lana auaunaga i totonu o le atunuu i lalo o le taitaiga a le susuga ia Galumalemana Tai Galumalemana.

 
O le Aso Sa na faataunuuina ai loa se fiafia tuufaatasi a le susuga i le alii pule ma lona auaiga i le fale‘aiga o le Steak House i Manukau, o lenei mafutaga o le tali faafetai atu a Galumalemana i lona aiga ona o le nofo tatalo ma le lagolago malosi i lana galuega o loo sologa ma manuia ai mea uma i totonu o le atunuu.

IMG_4806.