AOG Brisbane

AOG Brisbane

Ose aso na tulimatai iai le toatele ole Pulega e feiloai ai ekalesia e sefulu male tasi aua ose uluai taimi foi lea ua potopoto ai le fale sefulutasi ini taaloga talu ona tulai mai le susuga ile Taitai ia Ps Manuula ma le faletua ia Foloi Nai.

Na amataina le aso i savali faaaloalo auā ailoga na momoe alaala tagata uma e tausisia le poloaiga ma le folafolaga ia ta ane le ono ile vaveao ua amataina savali faaaloalo na faataamilo ile malae ona alo loa lea e siitia le viiga ile Atua e talosia ai le alofaiva i faagatama o lenei tausaga.

Na faataunuuina lenei faamoemoe o kirikiti faasamoa moni ale Pulega a ekalesia Faapotopotoga ale Atua ile malae ale Kingston College ile itu i Saute o Brisbane ile Aso Gafua aso malolo ole Eseta (Samoan AOG) Kuiniselani.

Na fono foi le komiti ma ekalesia ma tapena mamao mai ai lenei aso taalo e pei ona fuafua mai ele susuga ile taitai faapea le nofo a faafeagaiga aemaise o ekalesia. Na leai se ‘au e lei tapena mamao ma fai aoga kilikiti auā foi le tausinioga ae ole sili o na mea uma ole maua pea lea ole fealofaniga i totonu ole fanau ale Atua.

Vaevaeina nisi aulotu i vaega e tolu ma faaioga ia Logan City faatasi ma le ‘Au a alii Logan City na manumalo Pulega Samoan AOG

Vaevaeina nisi aulotu i vaega e tolu ma faaioga ia Logan City faatasi ma le ‘Au a alii Logan City na manumalo Pulega Samoan AOG

AOG North

AOG North

Team ale Samoan AOG Brisbane Central tulaga lua i ‘au a alii

Team ale Samoan AOG Brisbane Central tulaga lua i ‘au a alii

E ui lava la ina eseese ekalesia na aga mai ai aulotu e sefulutasi peitai na vaevaeina i vaega e tolu ina ia faafaigofie ai le faagasologa o taaloga ole aso. O itumalo e tolu na vaetolu iai ekalesia ma faaigoaina ai ia North Brisbane, Brisbane Central ma Logan City.

O taaloga a alii na manumalo uma Logan City i ana taaloga e lua ae o Brisbane Central e tasi faapea North Brisbane e ui ina mamao le vaega na tauasa mai ai ae lei faamanuiaina si ana taumafaiga atonu ose isi taamilosaga oi luma.

O taaloga a tamaitai na manumalo Brisbane Central i lana taaloga e tasi faapea Logan City na manumalo foi.

Ua fuafuaina ise isi taimi lata mai ole a toe faaauauina ai pea lenei aso taalo auā le faamasaniga atili o tupulaga ale Pulega Samoan AOG i Kuiniselani ae le gata i lea ole toe faaiilaina ai pea o taleni ale toatele auā na molimauina i lea aso le taufai lelei ma le mataalia o tagata uma aemaise foi le malie ma le onomea o tagata uma ile taimi e ili ai le faaili ma fai le aoga.

O nisi e taavavale solo i lalo masalo e o atu i o latou aiga ua vaivai le usu i galuega ona ole fiafia tele i feiloaiga faaleuso. Oka se manaia ole agi mālū ole savili ae ole paolo foi ole aso ile au taaalo ua alu lelei ai lava le silasila ma le maimoa ale au matamata ae sili ai foi i latou sa talatalanoa ma sosoo fagogo ma uo ua leva e le o fevaaiai.

Na goto le fetu o Leapai ae faamae‘aina foi ma taaloga ae talitonu e leai se tasi na lei mauaina le fiafia ile matagofie, lagilelei ma le aulelei ole aso auā e le gata o taaloga ale Pulega ae ose faamalositino mo nisi.

E foi pea le viiga i Lē e ona le viiga auā na amataina ile manuia faaiuina foi ile fiafia mea uma ile agagalei ole Atua.

Comments

comments