E alu aso ae sau aso, e lē suia lava pe tafia le faamanoni o upu a le Afioga a le Atua o loo fai pea ma taiala o le olaga o soo se tagata e talitonu faamaoni i le Atua ma ana meaalofa aemaise o faamanuiaga mo ē galulue punouai ma le faamaoni.
O le mea moni, o lea foi ua faagasolo taualumaga o le tolaulauina o seleselega a alo ma fanau i totonu o aoga auā le faaiuga o lenei foi tausaga. O le vaitau foi ua faatāuaina ai le upu masani e faapea, “O le tama poto e faafiafiaina ai le tamā, a o le tama valea e maligi loimata ma faanoanoa ai le tina.”
Ua matuā telē le suiga o le tulaga ua iai nei aoaoga a le kolisi o James Cook auā ua faamaonia lava lea i matatia ua ausia e alo ma fanau o loo agai atu ma faaaogāina le auaunaga a susuga i alii ma tamaitai faiaoga aemaise o le taitaiga maumaututu a le susuga i le alii puleaoga, le Susuga Vaughan Couillault faatasi ai ma le lagolago malosi a le pulega a le Komiti le Board of Trustees (B.O.T ) o loo iai ni sui o si o tatou atunuu o loo faia le faiva o le faufautua ina ia mautinoa le unaiina o aoaoga mo alo ma fanau i totonu o le aoga.
I ni saunoaga a sui Samoa o le B.O.T o le aoga, le faletua ia Sago Broughton faatasi ai ma le susuga ia Kaisala Dallas Kaisala, na la ta‘ua ai le maualua o le tulaga ua ausia e fanau Samoa i totonu o le aoga i lenei foi tausaga.
Na faaalia lo laua agaga fiafia ma le loto faagaeetia e tusa ma taumafaiga a fanau, aemaise o le faafetai tele i mātua uma ona o la latou matafaioi tausi o le unaiina mai lea o fanau i le aoga i aso uma, lea la ua fua mai ma ua selesele foi fanau e tusa ma a latou taumafaiga o lenei tausaga.
I le saunoaga a le alii puleaoga, Susuga Vaughan Couillault na ia faafetaia ai galuega mae‘ae‘a a le aiga faiaoga aemaise lava o mātua uma i galuega lelei o lenei tausaga. Sa ia faalauiloaina ai foi le tele o nisi fuafuaga lelei ua faataatitia mo le agai pea i luma o le tulaga o aoaoga mo fanau ina ia faaauauina ai pea le faaleleia atili o le tomai o fanau aemaise o le tapenaina faaleaoaoga o fanau mo le isi laasaga o lo latou olaga aoaoina ina ua mae‘a ma faamutaina tausaga aoaoina i James Cook High School.
O tausaga la lenei, ua matuā suipi ai alo o Samoa i le tele o mataupu mai lava i le tausaga 11 (Year 11) e oo atu i le tausaga faauu (Year 13). O le tamaitai ia Maugaosavai‘i Feagaiga Fagasa o le tausaga 13 na ia ausia ma mauaina le tele o ni faailoga faatasi ai le Dux Ludorum o le tausaga. Na saunoa ma loimata o le olioli ma le fiafia mātua aemaise lava foi o mātua matutua (grandparents), pei o le Afioga ia Tuioti Taulapapa Tutagalevao Peleiupu Feagaiga ma lona faletua ia Maugaosavai‘i na faaalia le loto faafetai ma le agaga faagaeetia i le alofa o le Atua, ona ua faaiuina taumafaiga a nai o laua alo ma le manuia i lenei foi tausaga.
O le tamaitai o Agnes Meredith-Leiataua na ia ausia foi le tele o nisi faailoga maualuluga e aofia ai ma le Dux Litterarum, ma o ia foi lea o le top student o lenei tausaga 2014, faatasi ai ma lona ausia o le avanoa faasikolasipi e agai atu ai mo le faaauauina o ana aoaoga mo le tolu tausaga i le Iunivesite o Aukilani.
O lenei faamanuiaga ua ausia e Agnes Meredith Leiataua, na faaalia ai le loto faafetai tele ma le agaga fiafia o tuaa o le tamaitai, le Afioga Taualofa‘i Lolesio Leiataua ma le faletua ia Theresa Meredith-Leiataua auā o lea ua mautinoa ua mautu le agai atu o si o la alo e aoga e aunoa ma se popole i le tulaga o le faatupeina o ana aoaoga ona o lea ua tapenaina uma lava e le Iunivesite e auala mai i le sikolasipi lona pili atoa o le 3 tausaga e tusa lea ma le $35,000.
O nisi foi faamanuiaga faasikolasipi na ausia e nisi o alo ma fanau Samoa e pei o Saunoa Taefu Pilchard ua ia ausia le sikolasipi e tusa ma le $5,000.00 mo lana aoga i le Iunivesite o Aukilani mo le Jubilee Scholarship.
O faamanuiaga nei ua matuā faalogoina ai le leo o le faafetai ma le faamanū i le Atua ona o taumafaiga a fanau, ma o se mitamitaga sili lava lea i le aiga faiaoga aemaise o mātua o le aoga faapena foi ma le pulega a le B.O.T.
O nisi ia o faailoga maualuluga ua ausia e nisi o alo ma fanau e pei o Agnes ma Maugaosavai‘i e tusa ma le tauiviga o lenei tausaga.
Agnes Meredith-Leiataua
Dux Litterarum
The University of Auckland Chancellor’s Award for Top Maori and Pacific Scholars – 3 years paid study + 1 year free accommodation. Worth up to $35,000
Hilyard Trophy For All-Round Excellence by a Pacifika Student.
Senior Biology Cup
Maplesden Trophy for Outstanding House Leadership
Gallagher Cup for Outstanding attendance over Years 11, 12, 13.
Silver Award – 98% Attendance
Graduation Certificate
First in Level 3 Language & Literature
First in Level 3 Mathematics with Statistics
First in Level 3 Biology
First in Level 3 Health
Second in Level 3 Chemistry
2014 Hockey Code Captain
Smith Cup – Excellence in Hockey
1st equal for Co-Ed Taupou from 2014 Polyfest held in March
Maugaosavai‘i Feagaiga-Fagasa
Sports – Supreme Award – Dux Ludorum
2014 Athletics Champion
2014 Rugby League Code Captain
Certificate of Sporting Merit – Representing Counties Manukau Secondary School Girls Rugby Team
Certificate of Sporting Merit – Representing Counties Manukau Girls U17’s Softball Team
Certificate of Sporting Merit – Aotearoa Women’s Pacific Cup Captain of Maori U19’s and won Most Valued Player of the Tournament
Contribution to Sport – Student Coach of Senior Royal NetballTeam & Girls’ Junior Rugby League Team
Second Legal Studies Level 3
The Inder-Lynch Scholarship awarded for Community Leadership
Honours Medallion for Service to School Community
2014 Samoan Prizewinners at Senior Prizegiving
Raymen Wong Soon: 1st in L1 English Additional Language
Tiana Tusa: 1st in L1 Hospitality
Taufou Feagaiga-Fagasa: 1st in L1 Music
Joce Time: 1st in L1 Samoan
Jack Siaki: 2nd in L2 Automotive Engineering and the David Alder Prize for Excellence in Automotive
Claudia Kiddie-Vai: 1st in L2 Employment Skills
Lemision Andy: 1st in L2 Physical Education
Agnes Muliaga: 1st in L2 Samoan
Theodora Sang Yum: 1st in L2 Sculpture
Celina Simoti-Galavao: 1st in L2 Sports Leadership
Niko Pesamino: 2nd in L2 Carpentry, 2nd in L2 Computing, White Cliffs award for Excellence in Carp
Sailusi Toalima: 1st in L2 Automotive Engineering, 1st in L2 Science
Justyce Leuta: 1st in L2 Computing, 1st in L2 Environmental Science
Mauga Feagaiga-Fagasa: 2nd in L3 Legal Studies
Sofai Crichton: 2nd in L3 Tourism
Selafina Lipano: 1st in L3 Accounting
Eterisa Potifara: 1+ in L3 Hospitality in the Workplace
May Sang Yum: 1st in L3 Physics
Saunoa Taefu: 1st in L3 Samoan, Foundation Class Vasega Fa’avae award for Top Samoan student
Francis Lemalu: Academy Cup for Most Imporved Student
Sofai Crichton: Sir George Seymour an Travel Careers and Training Award
May Sang Yum: Marley Scholarship
Manuel Laumatia: MIT Sports Studies Scholarship
Saunoa Taefu: University of Auckland Jubilee Scholarship
Agnes Meredith-Leiataua: University of Auckland Chancellor’s Award for top Maori or Pasifika student
Mauga Feagaiga-Fagasa: Honours Medallion
Agnes Meredith-Leiataua: Maplesden Trophy for House Leadership, Hilyard Trophy for top Pasifika student
Agnes Meredith-Leiataua: Dux Litterarum
O le manatu maualuga o le alii pule-aoga ma le pulega a le Board faatasi ai ma le faanaunauga o le aiga faiaoga, ua tuvae atu nei le aoga maualuga a James Cook mo ana tofa mamao ma tofa manino mo le tapenaina atili o aoaoga a fanau e autovaa mai i le laumua ma le mautinoa lelei ua lava saunia fuafuaga mo le aoaoina o fanau mo le lumanai.
Ma na faamamafaina foi i le saunoaga a le alii puleaoga e faapea, ua tatau loa ona agai mai mātua e faaulufale lou alo mo le tausaga fou manū o lea ua tele ni fuafuaga lelei ina ia ausia aoaoga mo tapenaga a fanau o le lumanai.
O faamanuiaga ma alofaaga molipo o le susuga i le alii puleaoga, Susuga Vaughan, le aiga faiaoga ma le pulega a le Board aemaise o mātua uma o le aoga mo le Vasega 13 ua tuua nei le laumua o James Cook High School i lenei tausaga mo le agai atu e faaauaua aoaoga poo ni galuega foi mo outou uma i le lumanai.
