E ui o le faia‘ina a le Warriors ile Sea Egales e 15-14 ile timuga ile malae ale NIB i Perth, ae sa matauina le matagofie o le sikoa faalua ale alo o Samoa ia Bunty Afoa mo le Warriors i lana taaloga muamua o le NRL.
Sa laeiina e Bunty Afoa le numera 16, ae na pei lana taalo ose tagata ua loa ona iai ile ‘au. E ta le ‘afa o lenei taaloga oloo sili Manly Sea Eagles 14-12 mai a latou sikoa e lua na maua ile kuata muamua o le taaloga ile sikoa a Tom Trbojevic, sosoo ai ma le sikoa lona lua a Manly mai le alo o Samoa ia Jorge Taufua. Sa ova uma kiki a le alii o Isaac Luke.
O le isi alo o Samoa ile Warriors ia Thomas Leuluai na mataina lana faaiuga i lona lē kikiina o le polo ae faasolo, lea na iu ai lava ina maua le avanoa o le Warriors ma tutusa ai 14-14 toe o se aga uma le taimi. Pagā lea o le timu ma le maseesee o le polo na pa‘u ai ia Jazz Tevaga ae na misi le kiki a Daley Cherry Evans.
Na faaopoopo le taimi ma saili ai loa le ‘au e muamua sikoa. Na sauni atu Shaun Johnson mole kiki ae poloka e Tom Trbojevic ma fao le polo lea na faaaogā e Manly ma iu lava na maua e Cherry Evans ma kolopu mo le ‘ai e tasi na manumalo ai le Sea Egales 15-14.
Manly Sea Eagles: 15 (Tom Trbojevic, Jorge Taufua sikoa; Jamie Lyon 3 kiki Daly Cherry-Evans kolopu)
NZ Warriors: 14 (Bunty Afoa 2 sikoa; Issac Luke 3 kiki) NIB Stadium, Perth. Malologa 14-12.
