E sui lava faiga ae tumau lava faavae, e sui foi le nofoaga ae tumau pea le auaunaga faamalie loto ma le talimanao a le G-Mana Wholesale Autos e pei ona lauiloa ai i totonu o lenei atunuu.
O le suia ai o le nofoaga tuai 745 Great South Rd i le tuatusi fou o le 294 Great South Rd ua silasila ai le atunuu i le loto finau ma le saili malo o tamafanau o Samoa o loo latou galulue i totonu o nei kamupani.
O le taeao o le Aso Toonai 6 o Iuni, o se aso fou lea o le loto faafetai ma le viiga i le Atua ina ua mafai ona ausia e lenei kamupani se tasi o nofoaga fou e faatinoina ai lana auaunaga. A o susulu mai ave o le la i lea taeao a o fai le galuega a le afioga ia Patele Filipo Petelo i le lotoā e faapaia le nofoaga fou lenei ua sifi i ai le tautua a le G-Mana.
O se fiafiaga sili i le tamaitai pule ia Nerid Lima, faapea le alii o BJ Galumalemana ona ua maua se isi nofoaga e telē atu e faatinoina ai a latou galuega, ma tuuina ai taavale, ae lē gata i lea ua faigofie foi e le mamalu o le atunuu ona afea lea nofoaga.
Sa faafiafia ai foi le faili a le G-Mana Band ma le papakiū vevela auā le agai atu o le atunuu i le molimauina o lea lala fou, ma sa iai foi ma nisi o le atunuu na faatauina ai o latou sa i lea aso.
Saunoa le afioga ia Galumalemana Tai Galumalemana, o loo tumau pea le tautua masani ma le faiga meaalofa a le G-Mana mo le mamalu o le atunuu, e sui lava nofoaga ae tumau lava le tautua mo le komuniti.
O le nofoaga tuai sa iai o le a avea lea ma nofoaga e tuu ai le tele o taavale ma auina atu i lala nei e lua i Otahuhu ma Papatoetoe o loo faatauina ai.
