Siisii pea i luga le Stage a Samoa ile Polyfest i tausaga taitasi

Avondale College, sa sili aoao ile tuufaatasiga o aoga a tama ma teine
Avondale College, sa sili aoao ile tuufaatasiga o aoga a tama ma teine

E ese mai lava le Stage poo le Fata a Samoa mai fata a atunuu uma ole Pasefika sa auai ile Polyfestival i lenei tausaga i Manukau. Ole kulupu Samoa e latalata ile auala le tulaga oloo iai le nofoaga oloo faatinoina ai ana polokalame, ae e ese ai lava le tumutumu o lona lotoā i ona tagata oloo lagolagoina polokalame ale fanau, e pei ona molimauina ile Aso Faraile ma le Aso Toonai sa faataunuuina ai polokalame a aoga taitasi oloo auai ile tauvaga o faafiafiaga.

O nai mātua matutua ua faamalo’ulo’u atu lava ile faaali ole titi faitama ia latou fanau oloo auai i aoga, ae le gata i lea o fanau aoga ma faiaoga ua faatasitasi i totonu o a latou faleie e tapua’ia a latou sui oloo tauaveina le igoa ole aoga i totonu o lenei faalagamaea.

O nisi o aoga ua tapena lelei atu lava e mātua ma faiaoga mea’ai ma vaiinu mo le fanau, auā e umi le aso o faafiafiaga. Ua le gata i lea, ae ose vaaiga matagofie ile felanulanua’i o mea’ai taumafa mai ekalesia ma mafutaga sa faatauina a latou fale’aiga auā le fofoga taumafa ole atunuu.

Ole tele o atunuu sa iai sa vave ona mae’a a latou faafiafiaga, ae ole nofoaga a Samoa, na mulimuli ai lava ona mae’a ana faafiafiaga ona ole toatele o mātua ma aoga sa faatāuaina lea polokalame mo le Polyfestival.

Ole Aso Faraile sa faapitoa le tauvaga mo aoga tuufaatasi a tama ma teine, lea e 22 aoga sa tauva ai, ole Aso Toonai na mulimuli ile tauvaga mo aoga a teine lea e fitu aoga sa auai, ma aoga a tama e fitu foi aoga sa tauva.

O aoga tuufaatasi na tauva ile Ulufale, Pese Autū ole Aso, Fuataimi, Sasa, Faaluma, Mauluulu, Taualuga, Taupou, Manaia, Ulufafo ma le Togiga. Aoga a Tama na tauva ile Ulufale, Pese ole Aso, Fuataimi, Sasa, Faaluma, Faataupati, Taualuga, Manaia, Ulufafo ma le Togiga. Aoga a Teine, sa tauva ile Ulufale, Pese ole Aso, Fuataimi, Sasa, Faaluma, Mauluulu, Taualuga, Taupou, Ulufafo ma le Togiga.

Manurewa High School
Manurewa High School

O Faamasino ole Tauvaga, ole afioga ile faletua ia Vini Afutoto Lale Peteru Leota, Susuga ia Frances Betham Ieremia, afioga ia Muliagatele Vavao Fetui, Tofa ia Asiava Atonio Tuipea ma le afioga ia Tofilau Siliva Gaugatao.

Ole pitolaau a faamasino, e mae’a loa le faafiafiaga ale aoga, ona latou tusitusia lea i lalo o a latou pepa ni faamaumauga e uiga i lea aoga ma lea aoga ia latou tapenaga e faailoa iai ni vaega e tatau ona toe faaleleia mo le isi faamoemoe ile isi tausaga.

Ole galuega fai faatasi lea a faamasino ma le komiti o faiaoga oloo tapenaina lenei faamoemoe, e pei ona ta’ua ele tofa ia Tauanuu Sealiimalietoa Perenise Tapu. O pepa uma nei oloo togi e faamasino, e uma ona togi, ona toe faafoi lea ile komiti o faiaoga oloo gafa ma le tapenaga, ona toe tufa lea ele komkiti i faiaoga ma aoga taitasi latou te silafia ai vaega oloo faaletonu i tapenaga. Ma o i tonu lava e toe su’isu’i ai ni faaletonu auā le isi tausaga.

Ole lu’itau a faamasino le faletua ia Vini Afutoto Lale Peteru ile tauvaga o faafiafiaga, ia tatau ona silasila lelei i fatuga ma pesega, ona o itu nei, e lima lelei vaega ole faafiafiaga faasamoa e fai ile pese, ulufale, mauluulu, pese ole aso, taualuga ma le ulufafo. O lona uiga a faaletonu le pese ua telē le afaina o tapenaga aemaise o faafiafiaga.

Saunoa foi le faletua ia Toesulu Brown sa fai ma sui ole la vaa see lua ma le faletua ia Melegalenuu Ah Sam, i lo laua agaga faafetai i mātua ile lima ta’ita’ina ole fanau i ala ole Atua. E lē tāua le manumalo, ae tāua le auai e faatino lau aganuu faaaloalo, lau amio, ma lou loto fesoasoani i lou uso a tagata.

Taualuga ole polokalame ole Aso Toonai na faalologo ai loa aoga ma mātua ile tolaulauina o togi e le faletua ia Melegalenuu Ah Sam, e ala i taumafaiga ale fanau mai aoga eseese.

Iuga ole Tauvaga

St Pauls College
St Pauls College

                                                                                   

AOGA A TEINE                                                                   

ULUFALE

(1) Mc Auley High School

(2) Kelston Girls College & Auckland Girls College

(3) Epsom Girls College

ULUFAFO

(1) McAuley High School, Kelston Girls College

(2) Aucklands Girls Grammar School

(3) Baradene College, St Dominic’s College

TOGIGA

(1) McAuley High School

(2) Kelston Girls College

(3) Baradene College

MAULUULU

(1) McAuley High School, Kelston High School

(2) Auckland Girls Grammar School

(3) St Dominic’s College

SASA

(1) McAuley High School

(2) Kelston Girls College

(3) St Dominic’s College

FUATAIMI

(1) McAuley High School

(2) Kelston Girls College

(3) Auckland Girls Gramma School

PESE OLE ASO

(1) McAuley High School

(2) Kelston Girls College

(3) Auckland Girls Gramma

TAUPOU

McAuley High School

• Kelston Girls College

• Auckland Girls Gramma School

TAUALUGA

McAuley Hig School

• Kelston Girls College

• Auckland Girls Gramma School

TUUFAATASIGA

McAuley High School

• Kelston Girls College

• Auckland Girks Gramma School

AOGA TAMA

ULUFALE

Sacred Heart College

• Kelston Boy High School

• De La Sale College

ULUFAFO

(1) Sacred Heart College

(2) Kelston Boys High School

(3) De La Salle College

TOGIGA

(1) St Pauls College

(2) Sacred Heart College

(3) Kelston Boys High School

FAATAUPATI

(1) St Pauls College

(2) De La Salle College

(3) Sacred Heart College

SASA

(1) St Pauls College

(2) Sacred Heart College

(3) Kelston Boys High School

FUATAIMI

(1) Kelston Boys High School, Sacred Heart College

(2) De La Salle College

(3) St Pauls College

PESE OLE ASO

(1) Kelston Boys High School

(2) De La Salle College

(3) St Pauls College

MANAIA

St Pauls College

Kelston Boys High School

Sacred Heat College

TAUALUGA

St Pauls College

Kelston Boys High School

St Peters College, De La Salle College

TUUFAATASIGA

Kelston Boys High School

St Pauls College

De La Salle College

AOGA TUUFAATASI

ULUFALE

Avondale College, Mangere College

Sir Edmund Hillary Collegiate, Manurewa High School

Waitakere College.

ULUFAFO

(1) Avondale College

(2) Manurewa High School

(3) Mangere College

TOGIGA

(1) Waitakere College

(2) Avondale College, Edmund Hillary Collegiate, Otahuhu College, Papatoetoe High School, James Cook High School, Manurewa High School.

MAULUULU

(1) Sir Edmund Hillary Collegiate

(2) Mangere College

(3) Avondale College

SASA

  (1) Avondale College

(2) Mangere College

(3) Sir Edmund Hillary Collegiate

FUATAIMI

(1) Mangere College, Sir Edmund Hillary Collegiate

(2) Tamaki College

(3) Manurewa High School, Avondale College

PESE OLE ASO

Avondale College

Mangere College, Tamaki College

Sir Edmind Hillary Collegiate

TAUPOU

Mangere College

Avondale College

Manurewa High School, Sir Edmund Hillary

TAUALUGA

Avondale College

Mangere College

Sir Edmund Hillary Collegiate

TUUFAATASIGA

Avondale College

Mangere College

Sir Edmund Hillary Collegiate

Ole aoga Otahuhu College na latou mauaina le faailoga ole aoga e amio pulea, amio tausaafia ma lagolago malosi ma fesoasoani i aso e fā sa faatinoina ai polokalame uma.