E fiafia tamaiti e oso i luga o le pasi ma amata loa lana faigamalaga, ma e faapena foi la i le savaliga faatasi lea e pei o se pasi ua ta‘ua i le faaperetania o le walking school buses – e ui lava e lē o taavivili ni pa‘u o se pasi ae o o latou vae o loo savavali ai.
Ua matuā ioeina e le vaega a le Barfoot and Thompson i Otahuhu le tele o aogā o lenei polokalame o le savavali faatasi o tamaiti i le aoga e peiseai o loo tietie atu faatasi i se pasi, poo le walking school buses, o lea ua latou mananao ai e lagolagosua atu i mātua ma a latou fanau aoga o loo aooga i le Otahuhu Primary School ina ia faaauau ona faatino lenei polokalame tāua. O le fesoasoani la ua lagolagosua atu ai le Barfoot and Thompson, o le saunia o ni faailoga (prizes) mo fanau aoga o loo fiafia pea e auai atu ina ia savavali faatasi i le aoga ma isi tamaiti, e tusa lava poo le ā le tulaga o le tau.
O le faanaunauga, ina ia toatele nisi mātua o le a auai mai ma aumai a latou fanau e faasavavali faatasi ma isi tamaiti i le aoga. Ma o i latou uma e fiafia e auai mai ma fesoasoani i savaliga a le fanau i le aoga, e tatau ona fesootai muamua atu i le ofisa o le aoga a le Otahuhu Primary School.
