Sauni tauvaga tausala Kolisi o Samoa

Le tamaitai o Vaifou Koria ma tamaitai tauva o lenei tausaga
Le tamaitai o Vaifou Koria ma tamaitai tauva o lenei tausaga

E toavalu tamaitai ole vasega Tausaga 13 ale Kolisi o Samoa ua filifilia e saili ai se Tausala ole Kolisi ise tauvaga oloo tapenaina ele vasega ole tausaga 1991 ile 1994, lea ole a avea ma sailiga tupe e fesoasoani ile tulaga ole pulea lava ele kolisi o ana galuega ile aveesea ai o nisi vaega tupe sa masani ona maua mai ile Malo.

Ose tasi o sailigatupe sa faaleleia ai le potu mo aoaoga faakomepiuta lea e lē gata ole toe faafouina ole potu ae sa faatau ai foi nisi o masini komepiuta fou. E pei ona silafia ole Kolisi o Samoa ose tasi o kolisi ale Malo ua pulea nei ele asosi o tama ma teine tuai le SCOPA e ala ise toe fetuunaiga o pulega o nisi o kolisi maualuluga ale Malo e pei ole Kolisi o Avele. Ise pepa o faamatalaga faalauiloa oloo faaalia ai o taumafaiga uma nei ile naunautaiga e faaleleia mea faigaluega mole aoaoina ole fanau. Ole Aso Tofi ole vaiaso nei (15 Setema) e faatino ai le tauvaga ole sailia ose tausala ole Kolisi o Samoa.