Mātua ma aiga na lagolagoina le sailiga seleni a le autaaalo Auckland Samoa Netball Team

Mātua ma aiga na lagolagoina le sailiga seleni a le autaaalo Auckland Samoa Netball Team

E toasefulu tamaitai aoga i lalo o le sefuluiva tausaga ua filifili nei i le ‘au netipolo a le Aukilani Samoa e auai atu i le taamilosaga faavaomalo a aoga maualuluga lea o le a faia i Gold Coast i le masina nei o Me. O tamaitai ua filifilia, o loo aooga i totonu o aoga maualuluga ma kolisi i Aukilani ae o loo taaalo foi i nisi o kalapu i totonu lava o Aukilani.

O le lua ai nei o tausaga talu ona finau alo ma fanau aoga i lalo o le sefuluiva tausaga i lea taamilosaga faavaomalo, ina ua faasee ese mai i latou mai le ‘au a le Pasifika lea sa toatele ai foi fanau aoga tamaitai sa filifilia ai.

E pei ona faailoa le finagalo o le manager ia Gaylene Wilson o le ‘au a le Pasefika sa iai muamua i lea taamilosaga sa toatele lava i alo ma fanau Samoa, o loo tauaveina le igoa o le Pasefika, ona tupu lea o se lagona iai latou ua tatau ona fai se ‘au a fanau Samoa i Aukilani e tauaveina le igoa o Samoa i totonu o lea taamilosaga, lea la ua mafua ai loa ona amataina lenei ‘au i le tausaga ua tuanai.

Mātua ma aiga na lagolagoina le sailiga seleni a le autaaalo Auckland Samoa Netball Team

Mātua ma aiga na lagolagoina le sailiga seleni a le autaaalo Auckland Samoa Netball Team

I le tausaga ua mavae sa solosolo lelei ai le tulaga sa iai taumafaiga a fanau i le taamilosaga sa faia i Fiti, lea sa tulaga tolu mai ai. Ma sa faafiafiaina lava le pulega a le ‘au ma mātua sa lagolagoina le taumafaiga a fanau, auā o le taimi muamua lea ua auai atu ai se ‘au a Samoa i lea taamilosaga.

O Novema i le tauasaga ua mavae sa filifilia mai ai le ‘au ma amata ai loa ona tuufatasia tamaitai taalo e ala lea ia latou koleniga ma latou sailiga tupe e fesoasoani ai i le malaga. O le lagolago malosi a mātua o se tasi lea poutu o tapenaga a le fanau lea o loo mafai ona sosoo tauau ai ma le pulega e ala lea i sailiga seleni auā lava lenei faamoemoe.

O le aso 26 o Me o le a tuua ai loa e le ‘au a le Auckland Samoa Netball Team Niu Sila ae malaga atu mo Gold Coast i le amataina o lea taamilosaga lea e amataina i le aso 28 o Me seia oo i le aso 1 o Iuni.

O le faamoemoe maualuga o le auai atu o le ‘au a fanau i lenei tausaga ina ia latou ausia le tulaga muamua poo le saimupini, aemaise ai o le taofiofi pea o le tolu pito i luga o le faatulagaina o ‘au a lenei taamilosaga, aua pe a fuafua i le tulaga tolu sa iai le tausaga ua mavae, lea ua faaleleia nisi o vaega sa faaletonu i le tausaga talu ai.

Ua iai la le lagona ua lelei ma atoatoa sauniuniga mo lenei tausaga. E sefulutasi ‘au o le a tauva ai i le taamilosaga i Gold Coast e aofia ai Aotearoa Maori, Indigenous Budgies of Australia, Australia, South Africa, Sri Lanka, Auckland Tonga, Niue, Fijian, Pacific Rim, Fiji Secondary School ma Malysia.

O le afiafi o le Aso Toonai sa faia ai le isi a latou sailiga seleni i le hall a le Ekalesia Metotisi i Magele i le susuga i le faafeagaiga ia Rev Logopati ma le ekalesia. Sa molimauina le lagolago malosi a mātua i lea po, aemaise ai o le auai atu o le tamaitai ia Josephine Bartley ua maualuga ma matagofie ai le faamoemoe o le fanau.  E $6,085.00 le lima foai o mātua ma aiga faapea uo ma e masani sa feoasoani i le sailiga seleni a le ‘au.

Auckland Samoa Netball Team

Meleitia Tatupu

Captain

School – Aorere College

Village/ Salelavalu, Asau, Fasitoouta, Lotopa, Faleasiu & Salilua

Bryaana Tamilo

Vice Captain

School – Baradene College of the Sacred Heart

Village – Matautu Lefaga ma Sauano Salesatele

Tegan Amani

School – One Tree Hill College

Village – Saleaula Savaii

Grace Fono

School – Epsom Girls Grammar

Village – Tanugamanono, Papauta, Salua Manono, Saletele Fagaloa, Salelavalu ma Afega

Gloria Palmer

School – St Dominics College

Village – Ulutogia ma Matautu Apia

Sila Matutia

School – St Dominics College

Village – Vaimoso, Leauvaa, Saleimoa, Sataua ma Vaisala Savaii

Jabulani Sila

School – One Tree Hill College

Village – Afega, Leauvaa, Saleaula ma Letogo

Jasleen Singh

School – St Kentigern College

Village – Faleasiu

Maria Taupu

School – Aorere College

Village – Salelavalu, Asau, Fasitoouta, Lotopa Faleasiu ma Salailua

Brooklyn Tharp

School – Mt Albert Grammar

Village – Tanugamanono

Management Team

Coach – Fale Malifa

Manager – Gaylene Wilson

Primary Care – Nena Amani

Physio – Kendyl Roodt

Comments

comments