Sauni atu Milford male Broncos e faasa‘o le 2016

Le alii Samoa o Anthony Milford
Le alii Samoa o Anthony Milford

Ole manumalo ale Broncos 24-14 ale Roosters na fai lea ma meaalofa sili mo la latou kapeteni lea e ritaea ile tausaga nei ia Corey Parker, ua 345 taaloga mo le Broncos i luma ole 37,566 tagata maimoa i lo latou malae i Brisbane le Suncorp Stadium.

E uma le 27 minute amata ole taaloga o sili le Roosters e 14-0 ae peitai ole sikoa a Anthony Milford le alo o Samoa ile toe valu minute ta le ‘afa na ala mai ai loa le Broncos. O sikoa e lua a Jordan Kahu na malosi mo‘i ai loa Brisbane ma amata vaovao gata.

O lea foi manumalo ua tulaga lima ai ile taualuga o taaloga masani ma sao atu ai ile pa‘ū ma nofo ile vaiaso nei lea e fetaui ai male Titans. Ose avanoa lelei lea e sao atu ai ile sailiga fusi ma toe faasa‘o ai lana faia‘ina ile Broncos ile suega siamupini ole tausga talu ai lea na oo ile taimi faaopoopo ae toe pa‘ū le polo ia Ben Hunt ma osofai ai le Kaupoe ma siamupini ai ile 2015.

Ole sikoa faalua ai foi o Jordan Kahu ile taaloga male Roosters ua vaaia ai le atoa o auupega ale alii faiaoga o Wayne Bennett e saili avanoa atu ai mole taaloga autu ma ono toe faaopoopo ai se isi Fusi i lana matatia o iai i Brisbane. Ae peitai a fua atu ile malosi o iai nei le Storm, Raiders ma isi ‘au oloo i luma atu ole Broncos e le faigofie le faamoemoe, Peitai, afai e iai se isi faiaoga e mafai ona faatoilaloina ‘au nei ina ia ausia le siamupini, e leai lava se isi na o Bennett lava.

BRISBANE 24 (J Kahu 2 A Milford J Roberts sikoa A Milford 3 C Parker kiki) faia‘ina ai SYDNEYROOSTERS 14 (D Copley C Watson sikoa B Ferguson 2 L Mitchell kiki)

Suncorp Stadium. aumaimoa: 37,566.