O le faaiuga o le vaiaso na toe taliu ai le alii o Uli Solomona i Hawaii. O iina o loo ua nofo ma galue ai o se avetaavale. O lea alii na manumalo i se tupe e $1.6 miliona tala Amerika ina ua laki i se masini poka na taalo ai i le ta‘i 25 sene ae fiti ai ma le laki maua ai ma lana tupe lea.
“E fai mai le teine ia te au i le aofai o le tupe lea ua ou malo ai na muamua lava tu mai lo‘u aiga i Samoa,” o lana faamatalaga lea.
E maua atu e le tatou ofisa o loo fai le galuega tele o se fale papalagi ua fausia mo ona mātua. O lenei alii na aumai ae na o ni masina lona matua i Amerika Samoa. O le tuagane o lona tina na malaga atu i Laulii i Samoa ma vaai i le ma‘ima‘ia o le pepe a lona tuafafine ma fai i ai e aumai ma ia ma lona toalua o loo faatali atu i Laulii. O le aumaiga lena na ta‘ua e le alii o Solomona e lei toe faafoia ai lava o ia i ona mātua moni i Amerika Samoa.
E ui i le matiiva ae na taumafai lava lenei ulugalii e tausi faatasi le alii lenei ma le la fanau. O le matua o lenei alii na faapea ona toe maua ai le avanoa e agai ai i Amerika lea na faapea ona fai ai loa lona aiga ma agai i Hawaii lea na galue ai o se ave taavale laupasese (taxi).
Sa ta‘ua a lava a le faasoa ua aumai se tupe i ona mātua ma e ui ua alu ese ae sa faigata tele ona maua le seleni e taumafai ai e sui le tulaga lē tagolima o si ona aiga.
“E lē iloa poo si o‘u aiga lava le aiga mulimuli o Laulii sa agai i le fale lē ta‘ua eli,” o lana tala ata lea i tusitala.
O le faamanuiaina lea i le tupe e pei ona manumalo ai na manatu ai loa lenei alii ina ia mafai ona fesoasoani e sui atoa le tulaga o lona aiga. “Na ou manumalo i le Aso Lua ae o le Aso Tofi na ou taunuu mai ai i Samoa ma e lei iloa foi e o‘u mātua ua ou sau,” o le faamatalaga lea a lenei alii.
Na sau loa lava agai sa‘o lava e amata le galuega o le fale o ona mātua. Faatau le pikiapu e ta‘ua o le Double Cab Hilux a ona mātua, faatau ma taavale faapea a lona aunty ma lona uncle.
Faaalia e lenei alii e faigata tele ona lē mafaufau mai i Samoa ma o se fiafiaga ma se faafetai i le auala ua aumai e le Atua e tali ai i le lima vaivai o lona aiga.
“E pei lava o Samoa uma, e sa‘o ai le tala e lele lava le toloa ae ma‘au i le vai,” o se saunoaga lea a lenei alii.
E lei talaina lava i lalo le fale o le aiga lenei ona ua avea ma faamanatu i le tele o tausaga o taumafai mai i le tutulu o le faleoo sa faamautu uma ai ae o lea ua nonofo i se fale tele ma le matagofie ona o le atalii.
Na tutulu lava mātua o lenei alii ma faafetai i le manatu atu ia i latou e ui ua agai ia e saili sona manuia i atunuu mamao.
Na faapea foi ona ofo atu le $10,000 e lea alii i le galuega o le maota tele a le aoga (hall) auā le faamae‘a ai o lea galuega tele.
O lea la ua toe foi i Hawaii lenei alii ma le faamoemoe o le a mafai ona fai ma asiasi mai i lona aiga i tausaga taitasi.
