Ole Pule Sili ole Matagaluega ale Palemia ma le Kapeneta, le fetalaiga ia Agafili Shem Leo ma le sui ole ofisa o galuega faavaitaimi a Ausetalia le tamaitai o Carolyn Peterken

Ole Pule Sili ole Matagaluega ale Palemia ma le Kapeneta, le fetalaiga ia Agafili Shem Leo ma le sui ole ofisa o galuega faavaitaimi a Ausetalia le tamaitai o Carolyn Peterken

Ole tausaga e 2012 na amata ai ona talia e Ausetalia tagata faigaluega faavaitaimi mai Samoa e galulue i totonu o faatoaga tetele i lea atunuu. O Samoa e aofia i atunuu e sefulu ole Pasefika oloo maua avanoa faigaluega faavaitaimi o o latou tagata i ia galuega. A fua iai o lea ua savalia le lima tausaga talu ona malaga tagata mai Samoa mo ia galuega ao lea faatoa suesue le tulaga malosi atoatoa ose tagata faigaluega mo ia galuega.

E ese mai ile siaki e faia ile falemai ole tulaga saogalemu ole soifua maloloina ose tagata e talia mo ia galuega. E manino mai ole faia ose isi laasaga e suesue lelei ai le malosi ose tagata talosaga ona oloo silasila kamupani tau faatoaga oloo maua ai galuega faavaitaimi e le tatau ona alu atu se tagata e le maualuga le tulaga lelei o lona malosi e faia ai galuega.

Ole faaiuga ole vaiaso ua mavae atu nei na faailoa ai ele sui tamaitai ole ofisa o Ausetalia oloo feagai ma le faatinoga o aiaiga e tatau ona talia ai tagata faigaluega faavaitaimi o Carolyn Peterken ma le Pule Sili ole Matagaluega ale Palemia ma le Kapeneta lea suiga fou na amata ona tapena mai ile 12 masina ua tuanai.

Faaalia ele tamaitai o Carolyn ise faatalatalanoaga ma tusitala i Samoa ua mafua ona suesue lelei le malosi o tagata e talosaga ona o galuega e manaomia tele le lelei ole malosi faaopoopo iai ma le saogalemu lelei ole soifua maloloina. Fai mai le tamaitai ose itu e tatau ona aofia i aiaiga o galuega nei aua e le ose tulaga lelei le talia ose isi mo nei galuega ae alu atu e le atoatoa lelei le malosi ole tino.

Na saunoa le Pule Sili ole Matagaluega ale Palemia ma le Kapeneta oloo feagai ma le sailia oni tagata mo ia galuega o nisi kamupani e manaomia tagata uumi ao isi e manaomia tagata e le uumi ae malolosi e faia galuega e pei ole tauina ole meleni aua o galuega e punou i taimi uma. “Ole tulaga lena e tāua ai tele le maua ole malosi ma ia maua foi tagata e le uumi tino ae tino lelei ma malolosi”.

Ole a gafa nisi o tausi soifua ma le galuega ole sueina ole malosi poo le fitness test e saili ai tagata e agavaa mo ia galuega. Ole tagata e toatasi faigaluega faavaitaimi na maliu i Niu Sila ma le isi na maliu lata mai nei i Ausetalia nafaaalia ele tofa Agafili Shem Leo le Pule Sili ole Matagaluega ale Palemia ma le Kapeneta e leai se sootaga o ia maliu ma le sueina ole malosi. “Ole polokalame lenei na amata afuafua mai ile tusa nei ma le tausaga atoa ae o lea faatoa faatino”. Na faaalia foi ele Pule Sili ole a faatino le suega ole malosi pe a mae‘a ona faataoto uma aiaiga ma fuafuaga ole faamoemoe.

Ole taumafaiga lenei mo tagata faigaluega faavaitaimi mo Ausetalia na ta‘ua e Agafili Shem Leo ole a faapea foi ona faaaogā loa mo tagata oloo fia maua nei galuega i Niu Sila.

Comments

comments