Ta‘ua e nisi sa auai i le po fiafia a le Ekalesia EFKS i Perisipeni le matagofie o le faamoemoe, e ala i le lagolago malosi a tauaiga o le ekalesia faapea uo ma ē masani. O le po o le Aso Toonai sa faataunuuina ai le faafiafiaga a le Ekalesia EFKS Brisbane.
O nei lava sailiga seleni e faaagaga lea mo nisi o fuafuaga fai a le autalavou aemaise o meafai a le ekalesia.
O le susuga ia Rev Milo ma le faletua ia Sinei Faaleava o loo tausia le Ekalesia. O se aulotu foi e galulue faatasi ma felagolagomai tagata uma i meafai a le ekalesia. E tupu ma ola le ekalesia auā e lelei foi lona faavaeina e ona taitai aemaise le nofoatoo ma vaega eseese o matafale taitasi.
O le susuga i le faafeagaiga ia Rev Milo Faaleava o loo logo mālie lona sao i luga o leitio a le Penina o Asuisui e ala i lana polokalame ua faaigoaina, “O le Manai o le Ola”.
