(Kaino Thomsen Fuataga)
Ua iu manuia le taamilosaga o le suega siamupini a le Taekwondo ole 2012 e pei ona malaga mai ai se tasi o alo tautaua o le atunuu mai Samoa, le susuga ia Kaino Thomsen Fuataga.
E lua aso na faagasolo ai i Gold Coast e pei ona faaiuina i le Aso Sa aso 2 o Tesema. O le fusi o le paga mamafa i le fusi uliuli sa fusu ai le susuga ia Kaino, ma na iu manuia lona taumafai ma ia mauaina ai le pine auro i le suega siamupini a le Oceania o le 2012.
O le susuga ia Master Faalavelave Puipui Frank Frost sa faamautu ai le faigamalaga ma o ia foi o loo avea ma faiaoga o Kaino a o iai i Brisbane nei. O loo auai mai foi i le faigamalaga le Peresetene a le Samoa Taekwondo Federation le afioga ia Muagututagata Peter Ah Him.
Ua iai le faamoemoe ua tusi aao le komiti o taaloga a le Oceania o le a faia le isi taamilosaga i Samoa i le tausaga fou.
