Pepese Botany ile tuufaatasiga o Taaloga ale Sinoti Aukilani Saute

Autalavou Metotisi Botony Siamupini ile aotelega o taaloga
Autalavou Metotisi Botony Siamupini ile aotelega o taalogaAutalavou Metotisi Botony Siamupini ile aotelega o taaloga

Ole tumutumuga ma manulauti ale Ekalesia Metotisi Samoa i ana taaloga i tausaga taitasi ia maua e aulotu ma tupulaga talavou uma ole Ekalesia Metotisi le nofo fealofani ma le galulue faatasi o tagata uma, ae lē gata i lea ia maua ai foi se avanoa e felosipi ma mafuta ai autalavou, e ese mai i galuega faaletalalelei i totonu o malumalu.

E tele nisi o galuega ua mafai ona faaaogāina ai le taleni ma le meaalofa a tupulaga talavou, ua lē gata i polokalame faaevagelia i Aso Sa ae o taaloga le isi auala lea ua mafai ona atiae ai taalo ale fanau, ua lē gata la i fanau ae o tagata matutua foi. Ae ole sili o lenei faamoemoe ole nuti meamanogi faatasi ai lea o susuga i faafeagaiga ma o latou faletua faapea le lafu mamoe.

Ole aso 29 ma le 30 o Tesema na faataunuuina ai taaloga nei ale Sinoti ale Metotisi i Aukilani Saute ile malae taalo ale Ngati Park i Otara. E 12 autalavou sa auai e amata mai i Magele seia paia lalo i Te Kuiti.

Ole aso muamua 29 o Tesema na tatala aloaia ai nei taaloga ile saunoaga ale susuga ile Sea ole Sinoti i Saute ia Rev Masunu Utumapu ma amata faagasolo ai loa taaloga. O susuga lava i faafeagaiga ma sui o aulotu taitasi sa filifilia e fai ma komiti faafoe e faatinoina taaloga i nei aso e lua, ae ole susuga ile pule o autalavou ia Rev Laupepa Fili sa ia faapolokalameina taaloga.

Ole Aso Tofi 29 na amata ai i taamilosaga kirikiti a tamaitai ma alii ae ole aso lona lua na faasolo ai loa taaloga volipolo ma fai ai le sailiina o siamupini.

Ole togiga, ole tagata e taalo lelei i taaloga taitasi, o lē sa ‘ai silia i taaloga kirikiti a alii ma tamaitai, ole ‘olo silia, ma le autalavou e manumalo ile aotelega o taaloga, o vaega ia na mataitu iai le komiti ma togi iai taaloga.

Ae ole atoatoaga o lenei taamilosaga ole lagolago malosi lea ale susuga ia Shiu Singh ole Henderson Cars sa ia mafai ai ona ofoina ni meaalofa tupe ma trophies e faatino ai lenei faamoemoe.

Iuga o Taaloga

Voli Tamaitai

Pool A

(1) Botany

(2) Magele

(3) Manukau

(4) Otara

(5) Manurewa

Pool B

(1) Hamilton

(2) Weymouth

(3) Papakura

(4) Middlemore

Voli Alii

Pool A

(1) Botany

(2) Manukau

(3) Manurewa

(4) Otara

(5) Magele

Pool B

(1) Papakura

(2) Middlemore

(3) Weymouth

(4) Te Kuiti

(5) Flat Bush

Kirikiti Tamaitai

Pool A

(1) Magele

(2) Botany

(3) Otara

Pool B

(1) Weymouth

(2) Hamilton

(3) Papakura

Kirikiti Alii

Pool A

(1) Manurewa

(2) Otara

(3) Botany

(4) Magele

(5) Manukau

Pool B

(1) Weymouth

(2) Hamilton

(3) Flat Bush

(4) Te Kuiti

(5) Middlemore

‘Ai Silia

(1) Susana o Weymouth

(2) Pou Lilo o Hamilton

‘Olo Silia

(1) Sulu o Hamilton

(2) Pati Pisona o Otara

Best Player Voli

Faafetai o Botany (teine)

Kalapani o Papakura (tama)

Best Player Kirikiti

Faaiuga Fata o Magele (teine)

Moala Siliva o Manurewa (tama)

Ole autalavou mai Flat Bush na sola lea ma le manumalo ole togiga, ae ole autalavou mai Manukau ma manumalo ile taulaga, a‘o le aotelega o nei taaloga uma ile faaiuga ole 2016 na pepese fiafia ai le autalvou mai Botany, (2) Hamilton, (3) Manukau.

Ma sa momoli le agaga faafetai ole susuga ile Sea ole faasinoti i Saute ia Rev Masunu Utumapu ile susuga ia Shiu Singh ona o lona loto alofa ma le tuu atu o lona tau‘au ile taimi muamua lenei e lagolagoina ai le taamilosaga ale Sinoti, ae sa faaalia foi le agaga fiafia ole alii pule ole Henderson Cars i lea aso ma faailoa ile sinoti lona toe lagolagoina o lenei faamoemoe ile tausaga fou.