Na ta‘ape fiafia le tumutumu sa iai i le Maota mo Tupulaga i Mulinuu i le po anapo, Aso Gafua, 8 Setema 2014, ae ua suipi le tapuaiga a le vaega a le Team Miss Samoa NZ, auā ua manumalo le latou tamaitai sa tapena mo le tauvaga, le tamaitai lalelei o Latafale Auvaa, e pei ona masii ai e finauina le tulaga mo se tamaitai e tauaveina le pale o le Tausala o Samoa atoa, e lē gata i le faalauiloaina o le atunuu i soo se itu o le lalolagi, ae o le a toe sauni atu e saili mo se avanoa na te tauavea ai le pale mo se Tausala o le Pasefika atoa, le Miss South Pacific, lea o le a toe talimalo ai foi Samoa i le masina o Tesema i le faaiuga o le tausaga.
O le tauvaga lenei sa faatulaga e faaiu i ai faafiafiaga o le Teuila i le Aso Toonai na se‘i mavae atu, peitai o tulaga faaletonu o le tau na toe tolopo ai mo le Aso Gafua, ma suia ai foi le nofoaga e faataunuu ai, mai lumāmaota o le Maota o le Malo i le Eleelefou na fuafua ai mo le Aso Toonai, ae na suia ma faagasolo ai loa i totonu o le Maota o Tupulaga i Mulinuu.
Na lelei uma tapenaga a tamaitai tauva, sa iai foi le uiga finau e fia maua le tulaga muamua, ae o le upu masani a le atunuu, “E lē mua uma ni vaa.” Na toetoe lava tofu faailoga uma tamaitai i vaega eseese sa fai i ai le faaiuga a alii ma tamaitai faamasino.
O se tausaga ese foi lenei, ona sa faigofie ona maimoa atu lenei tauvaga i soo se itu o le lalolagi ona fesootaiga i luga o upega tafa‘ilagi sa faataga ai, ma ua atili ai ona lautele ma faamalieina soo se Samoa o loo aumau mamao atu, ona ua vave ona latou maua le faaiuga o le tauvaga sa faatalitalia.
O nisi la nei o vaega taitasi sa silasila i ai faamasino e fua i ai tulaga sa faamanuiaina ai tamaitai eseese.
Best Sarong:
Miss Culture X Samoa:
Monica Giselle Sene Schwenke
Best Traditionally Inspired Attire:
Miss Culture X Samoa:
Monica Giselle Sene Schwenke
Best Talent:
Miss Thomsen’s Bridal Couture:
Faalagilagi Vaifale Tuisalega Farani
Best Puletasi:
Miss Moataga Enterprises:
Tuutasio Aiga Jessica Taulaga
Best Interview:
Miss Samoa New Zealand: Latafale Auva‘a
Miss Photogenic:
Miss Veronica’s: Tili Lafaele
Miss Internet:
Miss Samoa Australia:
Tusipepa Sandra Lilomaiava
Miss Personality:
Miss My Tiara’s Boutique:
Cheyenne Faapaia Maiava
National Tourism Award:
Miss Thomsen’s Bridal Couture:
Faalagilagi Vaifale Tuisalega Farani
People’s Choice Award:
Miss Veronica’s: Tili Lafaele
Faatulagaina o tamaitai na maua tulaga i lenei tauvaga:
Tulaga Lima (Fourth Runner Up)
Contestant No. 1
Miss Thomsen’s Bridal Couture:
Faalagilagi Vaifale Tuisalega Farani
Tulaga Fā (Third Runner Up):
Contestant No. 2
Miss Veronica’s: Tili Lafaele
Tulaga Tolu (Second Runner Up):
Contestant No. 9
Miss Polynesian Shipping Line:
Josephine Mafoa
Tulaga Lua (First Runner Up):
Contestant No. 8
Miss Moataga Enterprises:
Tuutasio Aiga Jessica Taulaga
Manumalo: (Winner):
Contestant No. 5 – Miss Samoa New Zealand:
Latafale Auva‘a
O le tausaga nei e toalima tamaitai mai fafo, toalima tamaitai mai Samoa sa tausinio i le po o le Aso Gafua na tea nei, e sailia ai se lalelei o Samoa. O i latou nei e aofia ai:
Contestant 1 Miss Thomsen’s Bridal Couture:
Faalagilagi Vaifale Tuisalega Farani
Contestant 2 Miss Veronica’s:
Tili Lafaele
Contestant 3 Miss Samoa Australia:
Tusipepa Sandra Lilomaiava
Contestant 4 Miss My Tiara’s Boutique:
Cheyenne Faapaia Maiava
Contestant 5 Miss Samoa New Zealand:
Latafale Auva‘a
Contestant 6 Miss SuperKidz Samoa Foundation:
Fa’ailoga Leagiagi Leota
Contestant 7 Miss Culture X Samoa:
Monica Giselle Sene Schwenke
Contestant 8 Miss Moataga Enterprises:
Tuutasio Aiga Jessica Taulaga
Contestant 9 Miss Polynesian Shipping Line:
Josephine Mafoa
Contestant 10 Miss Lavashe Couture:
Monica Tuaimau Evans
