Na faapaiaina le aiga fou o le susuga ia Mark Tuigamala faatasi ai ma le tamaitai ua ia filifilia e avea ma ana paaga, o Barbara Fetaia‘i Fonoti, i le Aso Toonai na tea nei, aso 22 o Novema 2014.
O mātua o le alii faaipoipo o lona tamā o Tuigamala Mark Tuigamala (Saanapu) a o lona tina o Sia Tuigamala (Nofoalii). O le tamaitai faatoanofotane o Barbara, o lona tamā o le susuga i le faafeagaiga Pastor Fetaia‘i Fonoti (Salesatele Falealili) ma lona tina o Emi Fonoti (Apolima & Utulei Amerika Samoa).
O le sauniga o le faapaiaina o le aiga fou sa feagai ma le susuga i le faafeagaiga ia Pastor Aleti Kurene. Sa fai ma fofoga o le aso le susuga ia Sa‘u Tufue Pa‘usisi mai Niu Sila ae o le lauga mai le valaaulia sa faafeataia. O Alo Lesa sa fai ma sui o aiga na lua e faafetaia le auvalaaulia.
Alofaaga e auina atu ia Sa‘u Tufue & Mery Pausisi ma le aiga faapea Fiasau Sa‘u Tufue NZ, Susuga faafeagaiga ia Gatai & Ataata Fonoti ma le aiga, Fonoti Fetauiga & Akenese ma le aiga, Fonoti Samuelu & Peleiupu Fonoti, Maopu o Tuigamala Mark & Sia, afioga ia Tago Samuelu & Ula Tago ma le aiga, faapea aiga uma lava. Ia manuia le aiga fou ma ia tumau i le fealofani.
