Osi feagaiga i le Sakalameta o le faaipoipoga

O le Ekalesia o le Prince of Peace i Manukau, na osi feagaiga ai i le faaipoipoga le alii o Nick Mah Yeng ma le tamaitai o Samoanagalo Ioelu i le Aso Sa ua mavae.

O le sauniga Paia na taitaia e le faafeagaiga ia Charly Reid, a o le upu faamalosi mo le ulugalii fou na fofogaina lea e le susuga ia Pastor Tilaulelei Kirifi.

Na saunoa le faafeagaiga i lana faamalosi, ia faavae le aiga i le Atua e manuia ai `mea uma, ma o le avea o le tamaitai ma ava faaipoipo o le fesoasoani lea ua saunia e le Atua mo le tane e pei o le uluai tagata na faia e le Atua.

Toe faaopoopo foi le taitai o le sauniga mo isi upu faamalosi mo i laua, e sili le toalua nai lo le toatasi, auā a pa‘ū le isi ae o loo mafai ona toe faatu i luga e le isi, ma o le maea sau tuatolu e malosi ai se aiga, tama, tina ma le Atua.

Na mae‘a le sauniga ona sosoo lea ma le taumafataga, e pei ona avea ai Aliimuamua Pesi e faafeiloai le mamalu o le auvalaaulia ma susuga i faafeagaiga ae tulai le susuga ia Malae Misa e fai ma fofoga o le aso.

Na taualuga le faamoemoe i faaaloaloga ma momoli ai ma faamanuiaga ma alofaaga o aiga na lua mo le aiga fou. O Nick Mah Yeng e mai le afioaga o Motootua ma Faleapuna ae o Samoanagalo e mai le alalafaga o Saanapu.

Tatalo faamanuia le aufaigaluega i luga o le ulugalii fou Ulugalii fou, Nick Mah Yeng ma Samoanagalo Mah Yeng ma la uosili