Ua molimauina le faatupulaia ole faitau aofai o tagata lotu e latou te teena le totogi e faifeau o tax poo lafoga ile malo. Ose mataupu ua faaauau ai pea ona laualuga i faatalanoaga faia i aiga ma tagata lautele i lenei vaitaimi.
Ise tasi o faatalanoaga faalauaitele i luga o ala faasalalau ale faifeau ole Peace Chapel, Pastor Samoa na ia saunoa, e le ose mataupu fou, ua talanoa ai le atunuu ma le malo, e le ose mea e natia ma le tele o finagalo faaali.
“Na fono nisi minisita ma nisi o Ekalesia eseese. Ole matou galuega, oloo totogi tax ale aufaigaluega, ae oloo totogi rent o fale oloo faagaioi mai ai matou galuega.”
Na ia talanoa, “e le o totogia se ma tax, ona e le mafai ona vaai itula ni ma galuega, e tutusa uma lava faifeau ile tulaga lea. E le mafai ona fai ni itula faigaluega o galuega faafaifeau, ole mataupu muamua lena e le mafai ai ona totogi le ma tax.”
Peitai o lona manatu na‘o ia lava, aisea lava ua tapa ai ele malo le faataunuuina o lea tulafono, ae mai lava ile faavae o Samoa, e lei iai lava se mea faapea ua tupu maumua mai 1830, ua silia ile 130 tausaga.
Na aumai se tali faafaigofie ele malo, e lagona ele aufaigaluega ale Atua, ose tali e vaivai tele, “O lena vaitaimi sa laiti totogi o tagata. O Samoa a laiti totogi, e fai lava le alofa ile faifeau, pe 10tala e ave lava le 2tala (pe sili atu foi) ile faifeau.”
Ole malamalamaga faatusipaia, oloo manino lelei. Ole tupe ale Atua, ole 10 pasene, ole tupe lena e ola ai le lotu, o iina e fanau mai ai le alofa poo le peleti lea e ave e tagata ile faifeau.
“E ala ona ave le alofa ole tagata ile faifeau e le ole faifeau ae ole Atua. Ole taimi lava oute le toe faifeau ai e leai se tagata e toe aumai se tupe ia te au, ae ole taimi lenei, e aumai. E le mo le tagata ae ole alo ole Atua Soifua, auā a e foai ete manuia.”
Ole tetele o tupe e maua e faifeau i lenei vaitaimi, faatusa i so latou sao ile faaleleiga o auala ma isi atinae ale atunuu, na finau atu Pastor Samoa i luga ole TV 1, “Ole tulafono lena lea e iai le tatou VAGST, e aofia uma ai, ma laugatasia tagata uma.”
Na saunoa foi Pastor Samoa, “Ole olaga faaletino o lo‘u talitonuga na‘o a‘u, o ina na valaau ai le Atua ile au Sa Levi, ole latou tofi, this is for God and man. Ole lafoga lea e totogi ele faifeau, ole vaaiga o tagata ola, e matautia le loloto”.
“O Ekalesia uma lava, e sili lava ona tele le sao ole faifeau i mea e fai, pei o faamati, maliu ma isi mea e fai, e sili lava le tele ole tupe ale faifeau e tuu i totonu,” e pei ona finau Pastor Samoa.
“E le tau omai faifeau e ta‘u mai i luma. E le tau laulaua mea ale faifeau e fai. Ole sao lava lena ole faifeau. Ole ave o mea a Kaisara ia Kaisara, ave mea ale Alii ile Alii, e pei ona ta‘ua ile Tusi Paia e faatatau ile au totogi lafoga.”
Na talanoa Pastor Samoa i lea fuaitau: “Ole mea lena e tupu ile soona saunoa ae le malamalama.” Ae o lonalagona, e fai ia le tax se‘i faamalie ai le finagalo ole malo. “Ia seu lava le manu ae tagai ile galu. E le na‘o tupe o fau ai le tatou malo.”
I lea lava faatalanoaga faalauaitele ale faifeau na ia talanoa ai: “E le mafai ele tupe ona fofo faafitauli ua tupu mai tupulaga, e na‘o le mana.”
“O ai o punonou, e le oni tagata faigaluega ale malo, ae o faifeau.” I lea lava faatalanoaga faalauaitele ale faifeau, “E le kea ni loia ma fomai, a uma latou galuega, e o inu faasoloatoa, ae ole faifeau e ola magafagafa ile ola saogalemu.”
Ose faaupuga foi faapea o faifeau o auauna ale Atua ae le oni Atua, ole manatu ole faifeau, “o tala na o tala a tagata lē lolotu, e leai ni faavae, ua tumu loto ile poto faalelalolagi nei.”
Na ia talanoa, “ailoga e faapena lagona o Samoa i la aso, o matua ua lagomau mai tuugamau sa latou asaina mai le faigata o Samoa.”
“E leai se toeaina e ta‘u se faifeau ose Atua, sa fai ma le āva, ole Atua e ana tofiga ua nofo ai le tagata ile faifeau.” Na tautino ele faifeau, “Ole a totogi la‘u tax leaga ua feitai le malo i tupe oloo ave i faifeau.”
