O le faamoemoe ua taunuu o le laau lea o le soifua

O saafiafiga ia a le alii faifeau ia Sefo ma le faletua ia Sene Alaga o le Peace Chapel i Porirua, ina ua faamanuiaina se tasi o la alo, le tamaitai ia Hana Faauma Alaga, i le tusipasi o le Bachelor of Nursing i le Whiteria Polytech i le Aso Tofi, aso 24 Mati, 2011. Saunoa le alii faifeau sa tuuina atu lava i talosaga faatasi ai ma o la aiga taumafaiga a le fanau lea ua tali mai le Atua.

Toatele foi nisi o tamafanau a le atunuu na maua tusipasi maualuga i lea lava aso ma sa faatumulia le Te Raupara Arena Porirua, i le mamalu o le atunuu sa faatasi atu i ai. Na mae‘a lea ona alo loa lea i le taumafataga na saunia lava e le Aoga, ma taape ai loa ma le fiafia.