Ua faaulu ele susuga Opapo Soana‘i Oeti le tagi i leoleo i faamatalaga taufaaleaga ua faasalalau ile fesootaiga televave Ole Palemia. Fai mai le sooupu ole Matagaluega o Leoleo e le mafai ona ia faailoa i latou oloo galulue ma leoleo

Ua faaulu ele susuga Opapo Soana‘i Oeti le tagi i leoleo i faamatalaga taufaaleaga ua faasalalau ile fesootaiga televave Ole Palemia. Fai mai le sooupu ole Matagaluega o Leoleo e le mafai ona ia faailoa i latou oloo galulue ma leoleo

E le o nofo lelei ile finagalo ole susuga Opapo Soana‘i Oeti faamatalaga ua salalau ile Ole Palemia, ose fesootaiga oloo talanoa ai ma faaali manatu ma lagona o nisi e toatele oloo fai paaga ma lea fesootaiga.

Ua lalau ile fesootaiga lenei ni tuua‘iga ogaoga ile va o Opapo ma lona afafine o Toaipuapuaga. Ole mafuaaga lea ole tagi ua faaulu i leoleo e pei ona faailoa mai e Opapo. Ua faamaonia mai ele sooupu ole Matagaluega o Leoleo susuga Su‘a Muliaga Tiumalu ua tagofia nei e leoleo se suesuega ua saili ai le tagata poo ni tagata e ana le fesootaiga Ole Palemia ina ia fesiligia i faamatalaga ua ia faasalalau faasaga ile susuga Opapo ua aveesea  ele Komiti Faatonu ale Au Toeaina ona tofi faifeau, ae sa galue ile tausiga ole aulotu i Siufaga Falelatai.

Ua iai manatu faaalia i luga ole fesootaiga oloo agai iai suesuega a leoleo ua faapea mai, e le maua e leoleo le tagata e ana le fesootaiga. Peitai ua faaalia ele sooupu ale Matagaluega o Leoleo, ua tau lalata lava ina taunuu suesuega ile maua ole tagata poo ni tagata foi oloo i totonu ole faagaioia o lea fesootaiga.

Ole faasalalauina ele nusipepa ole Samoa Observer ise tasi o ana lomiga ole masina na tea nei o Mati ose vaega ole tusitusiga i luga Ole Palemia oloo ta‘ua ai tuua‘iga ia Opapo ma lona alo tamaitai o Toa, ua saili ai foi e Opapo se suesuega ale Komiti Faatonu o galuega a tusitala ma le aufaasalalau le Samoa Media Council e faasaga ile nusipepa.

E talitonu Opapo ua faaleagaina lona tagata ma lona afafine faapea lona aiga i tuua‘iga ua faasalalau ele Ole Palemia lea na toe faasalalau ele nusipepa se vaega o lea tuua‘iga sa ta‘ua ai e tatau ona faia se suesuega faasaienisi poo se DNA test mo Opapo ma Toa. Ole a faailoaina i lenei lipoti auiliiliga o tuua‘iga nei ona o fautuaga faaletulafono.

Ole Aso Faraile ole Eseta lea e pa‘ū ile faaiuga o lenei vaiaso ole a faia ai le lotu faamanatu ile Malumalu EFKS i Siufaga e atoa ai le tausaga talu ona vaaia manu‘a ole Faaola i vaega ole tino o Toaipuapuaga.

Ole Aso Faraile lava lea ole Eseta o lenei tausaga 2017 ile afiafi (3pm) ole a faia ai loa ma le Misasa Paia ile Malumalu Katoliko i Samatau e faailoga ai le tausaga ua atoa o Faaaliga na maua e Toaipuapuaga lea ua liliu e avea ma mamoe ale ekalesia Katoliko.

Comments

comments