E tatau ona sue gofie le tali o le fesili lea o New South Wales e tatau ona manumalo i le taaloga amata o le State of Origin o le 2018. Seia mae’a le taaloga muamua i le aso Lulu ona fesiligia ai lea o  le ‘au e manumalo i le taamilosaga atoa.

A na faapea o le tausaga 2017 lea e agai iai le fesili e faigofie foi le tali: O Queensland e manumalo. Aua o le ‘au lea na manumalo i le 2017, ma isi tausaga lata mai o le QSL lava na malo. Peitai, ua iai suiga e tele i le ‘au a le Maroons. Ua ritaea Cameron Smith. Ua ritaea foi ma Anthony Thurston. Faaopoopo iai ma Cooper Cronk i le lisi lea.

O le toatolu lea na auga ma taula iai le malosi o Queensland. O loo iai le avanoa e sui ai le iuga o le State of Origin i le tausaga lenei, e ono see atu ia NSW.

E le na’o QLD ua iai suiga. E oo foi i le Blues a NSW e 11 tama fou o le a taalo i le SOO muamua. Ae o le tulaga masani lava lea mo NSW, o tausaga uma e foliga ai e matua malosi lana ‘au, ae uma ane e matua ta’u e le Maroons a Kuiniselani le sese. E pei o le tausaga ua tea 2017, na manumalo le Blues i le taaloga amata ae faia’ina i le taaloga 2 ma le 3.

E ao ona matua suia lea faaletonu mo le SOO 2018. I le vaai faa matematega (Odds) e tatau ona manumalo le Blues i le taaloga amata faapea le Series.

Seia faatali pe moni lea pe o le a faatino e NSW lana masani o le malo i le taaloga muamua ma gata ai lava iina.

O le ki i le taaloga o le Afa – Nathan Cleary vs Ben Hunt. O le tulaga lea e faatonuina laina e lua a ‘au uma, luma ma tua.  Pau le mailei mo le Blues o le taaloga muamua e fai i Melepone i le MCG. E lē o se malae e masani ai NSW, fai mai e matua tele naua lea malae ma e foliga maluia ai le NSW.

O le isi popolega o le a toatele le tapuaiga ia Queensland, ona o le toatele o tama o loo taaalo mo Queensland, o loo taaalo i le Melbourne Storm.

Otootoga

State of Origin 2018 – Taaloga e tolu

Origin I — Aso Lulu, Iuni 6 8pm (AEST), i le Melbourne Cricket Ground

Origin II — Aso Sa, Iuni 24 7.40pm (AEST), i le ANZ Stadium

Origin III — Aso Lulu, Iulai 11 8pm (AEST), i le Suncorp Stadium

O ‘Au

NSW Blues: 1. James Tedesco 2. Josh Addo-Carr 3. Latrell Mitchell 4. James Roberts 5. Tom Trbojevic 6. James Maloney 7. Nathan Cleary 8. David Klemmer 9. Damien Cook 10. Reagan Campbell-Gillard 11. Boyd Cordner 12. Tyson Frizell 13. Jack de Belin 14. Paul Vaughan 15. Jake Trbojevic 16. Angus Crichton 17. Tyrone Peachey 18. Tariq Sims 19. Nick Cotric

Queensland Maroons: 1. Billy Slater 2. Valentine Holmes 3. Greg Inglis (c) 4. Will Chambers 5. Dane Gagai 6. Cameron Munster 7. Ben Hunt 8. Dylan Napa 9. Andrew McCullough 10. Jarrod Wallace 11. Gavin Cooper 12. Felise Kaufusi 13. Josh McGuire 14. Michael Morgan 15. Coen Hess 16. Josh Papalii 17. Jai Arrow

LAUFALI – Gerard Sutton (taitai) & Ashley Klein (fesoasoani) – Laufali

Nick Beashel & Brett Suttor o Ta Fu’a

THE ODDS

Origin I: Blues $1.58, Maroons $2.45

Series: Blues $1.54, Maroons $2.50

2017 State of Origin results

Origin I: Blues 28 (Maloney, Pearce, Tedesco, Fifita, Hayne tries; Maloney 4 goals) d Maroons 4 (Oates try)

Origin II: Maroons 18 (Gagai 2, Holmes tries; Thurston 3 goals) d Blues 16 (Hayne, Morris, Pearce tries; Maloney 2 goals)

Origin III: Maroons 22 (Holmes 3, Wallace tries; Smith 3 goals) d Blues 6 (Dugan try; Maloney goal)

Series result: Maroons 2 d Blues 1