Maua uma nuu o Fesoasoani fou ale ekalesia Katoliko

Le taimi na faia ai folafolaga a Fesoasoani ma faletua ua faauuina
Le taimi na faia ai folafolaga a Fesoasoani ma faletua ua faauuina

E lē na‘o Faifeau Fesoasoani faauu na maua o latou nuu e galulue ai. Na maua foi ma nuu o fesoasoani na faasala, faapea le vaega fesiitai, ae o isi o Fesoasoani ua fia galulue faatiakono.

E lei ofi le malumalu tele ole Kolisi Telosia ale ekalesia Katoliko i Moamoa ile lolofi atu o aiga ma uo ile faauuga faapitoa o Fesoasoani e toaono ma o latou faletua ua iu manuia a latou aoga mai le Kolisi Telosia. E aofia ai: Manupo ma Lautusi Aukuso, Lusiano ma Eseta Iupeli, Eteuati ma Sii Laumatia, Iosefo ma Malia Silao, Meaalofa ma Imakulata Pepetumai ma Wilson ma Soloi Simeti.

Ile saunoaga ale taitai ole sauniga, Afioga ile Akiepikopo Alapati Mataeliga, na ia talanoa ai i “faafitauli ma faigata ole olaga.” Ma le feau tāua ole faamoemoe e mafua mai ai le faatalitali, ole tagata e iai lona faamoemoe oloo soifua pea le Alii faamaoni e faatino lana galuega ole faaolataga ae ole faamaoni ole Atua.

“Ae ole faaali ile toe afio mai ole Alii, saunoa le taitai, ua uma ona afio mai Iesu ae faatali ile afio mai ole Alii. Na afio muamua mai le ala maulalo, ae malō lava loto ma agaga. Ae ole toe afio mai ole Atua e mamalu ma Paia. O Iesu o ia ole tupu ole Lagi ma le lalolagi. Fanau ua saunia mo le Alii e ala i tausaga e tele, a tupu le faamoemoe ole tagata e faalagolago ile Alii e sauni ai mo le toe afio mai. Ia mataalia tagata uma aemaise tatou ole aufaigaluega.” “Faamalo faafetai onosai i tausaga e fā.”

Ose tasi agaga o nei aso, ia ‘ai meaai paleni ma faamalositino. Ai paleni ma gaioi faapena foi ile olaga atoa e faapaleni ile Alii.”

Ile faasologa ole polokalame na valaau ai ulugalii, po ua loto moni e faapaia i latou mo le Tofi Fesoasoani, ma latou tali Ioe.

Akiepikopo: Uso e, ma tuafāfine, pe na outou manatunatu loloto ole laasaga, ole a outou faia nei ole finagalo ma le valaau paia ale Atua mo outou ile lumanai?

Fesoasoani: Ioe olo matou talitonuga lava lea.

Akiepikopo: 1 Ole FAIAOGA mo fanau ale Atua i lo outou atinae faaletino ma le faaleagaga, e aunoa ma se fia fai taui.

2: Ole TAIALA ole fealofani ma le filemu i uso a tagata uma lava e aunoa ma se faa‘au‘au.

3: Ole TAULAMUA sauniga lotu ma galuega ole faatuatua ona ole alofa ile Atua ma le faaolataga o tagata.

4: Ole FEAGAIGA ole usitai ile va o nuu ma taitai o Ekalesia.

Pe ua outou mafaufau loloto ile mamafa o lenei fatuaiga ma, pe ua tonu io outou loto ole a outou tausi iai ma le faamaoni i aso uma a‘o iai outou ile tofiga?

Fesoasoani: O lena lava lo matou faamoemoe ma le faalagolago ile Kalasia ale Atua, atoa ma le puipuiga a Iosefo Paia lo matou Sulufaiga.

Faapaiaga o Koluse ma Sulutana

Ole vaega lea ole sauniga na lagona ai leo ole aiga ma le aufaauu, ua taliē, fe‘atai, ina ua faatalasua mai le taitai o lea vaega ole sauniga le afioga ia Patele Kolio Kelekolio, i lona alofa i Koluse, ma faapea ane, Talofa e, i nai Koluse.

Na faamauina ele tusitala se vaega o faifeau oloo faasala, ma se vaega o faifeau sa faasala ua toe maua o latou nuu e galulue ai.

Na tautino ele tasi o fesoasoani, o ia na faasala foi, ina ua faaletonu lona afafine ile nuu na iai. Na ia molimauina foi nisi o fesoasoani ua faasala talu lava le solia o tulafono e pei ona aiaia mai luga.

Na maitauina foi e lē na‘o fanau na afua ai le faasala o fesoasoani, na oo lava i faletua ma fesoasoani na tuua‘ia foi ile lē usitaia o tulafono.

Lu‘i ele taitai le pulega ole Kolisi 2017

Na vaai ma le alofa le afioga ile Akiepikopo i faletua o Fesoasoani faauu. Ile vaai atu e na‘o le uuina lava ole moliga‘o le latou galuega na faia i lea aso o e faauuga. Peitai ua fautuaina nei le pulega ole Kolisi faafaifeau, mo nisi faauuga ole a agai atu ai ile lumanai, ia ave le faatāua i faletua, e ala i meafai ole polokalame.

Ua faaauau ai pea ona nonofo fesoasoani ole a siitia io latou nuu, mo aso fiafia, seia oo ile vaiaso lona lua o Ianuari lea ua faamoemoe e faia ai fesiita‘iga ma feiloai atu ai a‘oa‘o fesoasoani fou i o latou nuu.