Afio mai ma maliu mai tatou feiloai ma faasoa mai sou finagalo!!
E amata atu i le aso 27 o Fepuari sei oo i le aso 21 o Mati, e pei ona faailoa mai e le sui o le MAU i Aukilani Niu Sila, o le a faia ai se tauaofiaga poo tuufaatasiga faaletausaga o le a talimalo ai le MAU mo le 3 vaiaso. O le a aofia ai malo mai atunuu eseese o le lalolagi e aofia ai ma le Pasefika. O le autu mo lenei tausaga e faataua Le Manogi (Fragrance) ma o le afioga i le Ao Mamalu o le Malo, Tui Atua Tupua Tamasese Efi o le a saunoa faapitoa e tatala aloaia ai le amataga o ni talanoaga, faafiafiaga, taumafataga ma le soalaupuleina o mafaufauga ma manatu o atisi (artists), le au faitau laulu (thinkers), le au tusitusi (writers), le au tetee (activists), o faauluuluga o malo, i latou o loo talanoaina upufai o malo (politicians), ma le lasilasi lautele o sui mai atunuu eseese o le lalolagi e aofia ai ma le Pasefika, i ni itu lelei poo ni mea faatino e maua ai le nofo filemu, ma faataua le va lelei ma le amanaia o tagata uma. O le a toatele alo o Samoa ua lauiloa i taleni eseese o le a auai atu i ai. O le a tatalaina e le Laughing Samoans lea faatasiga i ana faafiafiaga i le Aso Faraile nei.
O le tausaga e 2008 sa faataunuuina lea tauaofiaga ia Iuni i le London International festival of theatre i Southbank Centre.
Tui Atua Tupua Tamasese mo le Pacific Thought Symposium
Peter Sellars – Pig dinner
Lemi Ponifasio – Without a Body ASB Theatre
Laughing Samoans – Tofiga & Ete
Kila Kokonut Krew
Fatu Feuu, Filipe Tohi
John Ioane
Delicia Sampero
Pacific Mamas
Global children Project, ma le tele o isi taleni eseese o le a faaalia ai i lea tolu vaiaso o vaaiga eseese i le faatinoga ma tapenaga o lea faamoemoe. O le lona fa ai lea o tauaofiaga faapenei ua tuufaatasia e le afioga ia Sala Lemi Ponifasio ma le MAU o le Corban Estate, Lebanon Lane i le itumalo o Waitakere.
