O aso uma lava e lē mapu le fesootai mai o le atunuu, ile fia iloa poo afea o le a out atu ai i tua le ata tifaga o le Matai Part 5. O se tala fiafia, o le vaiaso nei ua faamoemoe o le a amata faatauina atu ai i tua lenei ata tifaga ua leva ona faatalitali mai iai.
O le Vaega 5 o le Matai oloo sosoo mai ai tala na momotu mai le Vaega 4 e pei ona masalomia ai e Arasi lona tina o Sina ile oti o Toomau. E lē gata ilea, o le manao o Oketi lea ua uma ona faailoa i lona tina, o ia o le a alu i Samoa e faaipoipo ia Safuiane Lui. E lē gata i lea ae o le miti a le alii Aoao o Ulisese, lea na faamalosia ai lona faamoemoe, e iai lava le lumanai o taoto mai luma mo ia ma le tamaitai lalelei o Fetuleni.
Ile tuufaatasiga o lenei ata e lei faigofie, mai le masina o Fepuari na amata pueina ai seia oo mai ile taimi lenei sa finau lava ile tuufaatasiga o lenei ata ina ia faamalieina le maimoa a le atunuu.
E ese foi le faalogona ma vaaiga o le Matai 5 faatusa i isi vaega ua mae‘a. Ae ose ata o le a faamalieina ai lau maimoa. O le Vaega 5 oloo faapea foi ona auai le Walking Samoans ile faatinoina o se tasi o vaega tāua o le tala, e faapea foi le ekalesia Metotisi a Waterview.
O le Matai Part 5, o le a faatauina atu i tua e ala i DVD’s i faleoloa masani, e lē gata i lea ua mafai foi ona oka sa‘o mai lau DVD a le Matai 5 i luga o upega tafailagi ona lafo atu lea. O i latou uma e moomia lea auaunaga e mafai ona e asiasi ile samoamovies@bigcartel.com, ona mafai lea ona oka ma totogi lau DVD online ona lafo atu lea o lau ata.
Ose tasi o auaunaga ua ausia ele South Seas Pictures, o le a faafiafiaina ai i latou oloo alaala i atunuu mamao, ua mafai nei ona e maimoa ile Matai 5, mai lau telefoni feaveai, laptop poo lau komepiuta foi.
E ala lea ile Online Pay Per View, e lē toe faatali ise DVD, o le a mafai ona totogi ma e maimoa sa‘o lava ile taimi lena pe a e asiasi ane ile https://samoavisual.nichvid.com. E taugofie ma vave, poo fea lava o le kelope oloo e aumau ai, o le a mafai ona e maimoa ile Matai 5 e ala i nei auaunaga ua tapenaina ina ia faigofie ona oo atu le Matai mo lau maimoaga.
E mafai foi ona e maua nisi faamatalaga pe a e faafofoga ane ile leitio online https://samoaonline.airtime.pro
