Maopoopo Mafutaga a Tina Puaseisei 2015

O le agaga maualuga o le Mafutaga a Tina o le EFKS a le Puaseisei, ina ia iai se pine faamau o le maopoopoga o lenei mafutaga. Ua latou faafetaia ai le Atua i le maua o se avanoa e pueina ai le ata o le Mafutaga a Tina o le EFKS i Magele i Sasa‘e.

O le Taitai o le Mafutaga a Tina o le faletua o le faafeagaiga o le Ekalesia, le faletua ia Salome Pouesi. O le Failauitusi o le Mafutaga, o Maugaloa Faiumu, ma le Teuoloa o Naoupu Leota.

Ua faafetaia foi le avanoa ua maua mai i le Susuga ia Danny Tanuvasa ma le faletua ona o lenei avanoa ua mafai ai ona pueina se ata e faamanatuina ai nai Tina Matutua ma Tina Laiti o le Mafutaga.

O se faamanatu aogā lea ma le tāua auā tupulaga fai mai. O loo alo atu foi le Mafutaga a Tina i nisi o ana galuega tetele i se taimi e lē o toe mamao ae o le maopoopoga ma le ata lenei o le a faia pea ma faamanatu e le gata mo galuega ua uma ona faatinoina, ae o galuega foi o loo faasolo atu i ai i lenei foi tausaga 2015 ma le lumanai.