Tausala Samoa NSW Fasi Faitafa Talimatasi Liolevavematua ma le Afioga Muliagatele Oketi Vaifale Taulaga

Tausala Samoa NSW Fasi Faitafa Talimatasi Liolevavematua ma le Afioga Muliagatele Oketi Vaifale Taulaga

Ole po ole Aso Faraile na faapaleina ai le Tausala o Sini ia Fasi Faitafa Talimatasi Liolevave ile tauvaga ole sailia o se Miss Samoa NSW. Ole susuga ile faifeau ia Ps Papalii Saumaoso ole AOG Hurstville na saunia le tatalo amata.

E toafitu Sui na tauva i lea po ile Croatian Club i Punchbowl i vaega eseese. Ole laei afiafi evening gown na manumalo ai le Sui numera 6 ia Fasi.

Laei mo taelega sarong na malo ai Juliette Utupo ae ole puletasi na manumalo ai Matalena Faamoe faapea foi le taleni. Ae peitai ole fesili ma tali na sola ma Salome Matangi ma le tupe e $400.

Ile aotelega na manumalo mo le Tausala Samoa Fasi Liolevave ole Souls Empire mai nuu o Faleatiu, Vaimea, Iva ma Fogapoa.

Tulaga lua Salome Matangi ole Brown Aiga. Ole tulaga tolu o Matalena Faamoe ole Nikoles Creations. Tulaga fā sa maua e Juliette Utupo ole Julicious Beauty Line.

Ole afioga ile Hai Komesina Hinauri Petana na saunoa aloaia i lea po ae ole tamaitai Faatonu Afioga Muliagatele Oketi Vaifale Taulaga sa momoli le faamalo ma le faafetai ile aofia.

Comments

comments