Ua tini lau o le faamoemoe e pei ona malaga mamao mai ai ni alo o Samoa e tauva i le taaloga faitaulia a le Taekwondo poo le taaloga o le fusu e pei ona lauiloa ai le susuga ia Master Faalavelave Frank Frost i Ausetalia.
O le aumalaga mai Samoa sa taitaia mai e le faletua ia Sala Shaun Thomsen Fuataga Lautusi faatasi ai ma alo laiti o le taaloga e fiafia foi e faaaoga le taleni i lenei taaloga.
O le Aso Sa, 21 o Mati sa faataunuuina ai se taamilosaga tele a Kuiniselani o le 2010 ma sa lagona le agaga fiafia ona o le tausinio o nai alo ma fanau e pei ona faamanuiaina ai i pine auro ma pine siliva.
O le alii o Kaino Thomsen-Fuataga Tasimani Lautusi sa faamanuiaina i le pine auro – Black Belt Heavy Weight Division – (Lalomanu, Vaoala. Leauvaa ma Matautu Apia) O le alo lea o le atunuu sa siamupini i le taaloga i le lalolagi atoa i taimi o taaloga o le Vasa Pasefika lea sa faia i Samoa talu ai nei.
O le alii o Fritz Thomsen Fuataga Tasimani Lautusi, e lua pine auro sa ia mauaina (Red Belt Junior and Open).
O Zoe Thomsen Fuataga Tasimani Lautusi sa ia mauaina foi le pine auro (Red Belt U10 years old).
Shon Lotolagi So‘o na faamanuiaina foi i le pine auro i le Junior Red Belt) ma le pine siliva i le (Open Red Belt). O ona alalafaga o Taufusi ma Lefaga.
O le alii o Oswald Mafatia Tapelu na manumalo i le pine auro i le U12 Blue Bel mai Malololelei Samoa.
O Anthony Andrew Taylor m ai Togafuafua na maua foi lana pine auro i le (U15 Yellow Belt). O Alex Eti Ah Po ma faamanuiaina foi i le pine auro i le U17 Yellow Belt (Vaitele Fou).
O le tasi o alii na maua le pine auro o Andrew Fiame i le U17 Junior ma le pine siliva Silver Open Yellow Belt. (Taufusi, Salelologa) O Henry Faolotoi na manumalo i le pine siliva U16 yellow belt (Lepa & Vailima).
O le tamaitai e toatasi o le aumalaga o Malelega Seko Iakopo na manumalo i le pine siliva o le Open Female yellow belt.
O le tuufaatasiga e 9 pine auro ma pine siliva e 4. O le susuga ia Kaino Fuataga Thomsen Lautusi o le Team leader.
E avea lenei avanoa e molimoli atu ai le agaga faafetai tele o le susuga ia Master Faalavelave Frank Frost ia i latou uma sa lagolago ma fesoasoani i le taliina o lenei aumalaga e pei ona sa nofo tasi ai i le laoa o le susuga ma le faletua ia May Frost ma le nofoaalo.
Faafetai faapitoa i le susuga i le faafeagaiga Rev Perelini Tauilo & Faletua Tili ma le ekalesia EFKS Park Ridage sa feagai ma le sauniga amata o le taaloga ma le taliina o le aumalaga.
Tofa Vaotuua Iosefa & Tausi Ula, Tofa Puletiu Atoa & tausi, Susuga Piliati Letoa Gase & faletua, Tuafafine ia Pele Lupe Moa & aiga, Susuga ia Pa‘o, Tuafafine ia Tia Tapelu & aiga, Tuafafine ia Paese ma le aiga, Susuga ia Fred Frost ma faletua ia Mata, Susuga ia Mokoi Frost, Tofa ia Fiu Malatai & tausi ia Rosa, aemaise le tina ia May Ulugia Api – Ah Koui Frost ma le fanau, o i latou uma na sa agalelei mai mo le tatou au masii mai Samoa aua le faagatama sa alo faiva atu i ai i le Aso Toonai, 20 & 21 Mati 2010, i le Queensland Taekwondo 2010 Open Championshipsm e ala i taavale, mea taumafa ma nisi o meaalofa sa latou foaia mo le au malaga.
