Tumau atu i le Atua poto e toatasi lona viiga, ona ua ia faia mea silisili matou te olioli ma fiafia ai. O la le faisalamo, “Lou agaga e, ia e faamanu atu ia Ieova, o mea uma foi oi totonu ia te au, ia faamanu atu i lona suafa paia.”
Matou te sii ai le viiga ma le faafetai i le Atua ona ua mafai ona aulia mai e lo matou tina peleina ia Faamalele Tumasaga ale Faumuina le 80 tausaga o lona soifua (14 Iuni 2015).
E ui ina tele fita ma faigata sa fetaia‘i ma oe, ae faafetai ua mafai ona taitai manuia mai lou soifua ma ua mafai ona aulia mai lenei aso faapitoa mo oe le tina. O la matou tatalo i le Atua, ia saga faaopoopoina nisi aso se tele o lou soifua tatou te mafuta ai pea i lenei lalolagi lē tumau.
Matou te alolofa tele ia te oe le tina. Faafetai mo lau tausiga ia i matou aemaise a matou fanau. Ia maua pea e oe le tina le malosi faafouina auā le galuega o feagai ai i le aiga, aemaise le auaunaga i le galuega a le Atua.
Alofaaga mai ia Aga & Samaila ma le fanau, Faumuina Ituau & Alieta ma le fanau, Malae Leua & Tina ma le fanau, Malae Sone & Paolo ma le fanau, Tumama & Amosa, Iosefa ma le fanau, aemaise lou aiga atoa. Manuia tele lou Aso Soifua!!
