E lē o se ta lava ma se lavea. O le po o le Aso Toonai, 26 o Me sa faataunuuina ai le taaloga i le va o le tamaitai o Aliitasi Foleni Leasuasu Dutt ma le siamupini o le lalolagi i le fusi o le WBF, le tamaitai ia Lisa Marie Vizanari.
Sa vaaia le lagolago malosi a ona aiga ma uo e ala i lona taumafai e ui e lei faamanuiaina, ae toe oso foi le la.
Sa faataunuuina i le Jupiters Casino i Gold Coast. O le susuga ia Alesana Su‘a sa koleniina le tamaitai o Aliitasi.
Momoli foi le faafetai tele i le afioga ia Leaupepe Ami Aiono faapea Auapaau ma Olevia Frost mo le lagolago malosi faapea le tele o e na opogiina le faamoemoe.
O le tamaitai ia Aliitasi Foleni Leasuasu Dutt poo le afioga ia Falegaoti, o ona alalafaga i Samoa o lona tina e mai Leauvaa a o lona tamā e mai Faletagaloa Safune ma Fagamalo.
